Connect with us

Lajme

Fetai: Taravari as u organizoi atentat e as i përzuri nga vendlindja ushatarët e UÇK-së

Published

9 months ago

on

Zv.kryeministri për Qeverisje të mirë, Arben Fetai ka reaguar përmes një shkrimi për akuzat e pabaza nga opozita shqiptare për liederin e ASH-së, Arben Taravari, se gjoja ai ka fyer luftën e shenjtë të UÇK-së.

Fetai, në shkrimin e tij potencon se Taravari as i ka burgosur, as u ka përgatitur atentat e as i ka detyruar luftëtarët e UÇK-së të braktisin vendin.

Në vazhdim ua përcjellim shkrimin e plotë të Fetait:

*Arben Taravari as nuk u organizoi atentate ushtarëve të UÇK-së as nuk i përzuri nga vendlindja. Arbeni as nuk u montoi raste ushtarëve të UÇK-së as nuk i burgosi në Shutkë e Idrizovë. *

Edhe unë besoj se qeveria e Arbën Xhaferit (1998-2002) ishte më e suksesshmja deri më tani për sa i përket avancimit të pozicionit të shqiptarëve në vend dhe përtej. Në rrethana të jashtëzakonshme për rajonin, Arbën Xhaferi fuqizoi përfaqësimin shqiptar dhe ndikimin tonë në vendim-marrje më vrullshëm se asnjëherë më parë. Nën udhëheqjen e tij, Shkupi u shndërrua në Piemont ose strumbullar të politikës shqiptare, si në nivelin diplomatik ashtu edhe në atë ushtarak. U bënë gjëra si hapja e kufirit për refugjatët nga Kosova, marrëveshja e Kumanovës, dhe baza të Natos në vend, që edhe sot duken surreale marrë parasysh kontekstin e kohës.

Ata që erdhën në pushtet në emër të luftës çlirimtare dhe për 22 vite zhvatën shtetin, u bënë milionera për vete dhe prishën çdo gjë në emër të gjakut të dëshmoreve, tani iu paskan kapur Arben Taravarit sepse ai po e thotë të vërtetën rreth qeverisjes më pro interesave shqiptare deri më tani.

Këta hajduta e dinë se nuk kanë ku t’i kapen Arbenit, prandaj edhe shpifin.
E vërtera është se Arbeni as nuk u organizoi atentate ushtarëve të UÇK-së as nuk i përzuri nga vendlindja. Arbeni as nuk u montoi raste ushtarëve të UÇK-së as nuk i burgosi në Shutkë e Idrizovë.
E vërteta është se më shumë ushtarë të UÇK-së kanë gjetur kujdes e mbështetje te Arbeni sesa te ata që abuzuan me çdo vlerë të UÇK-së për t’u bërë milionera. E vërteta është se ata e kanë braktisur idealin e UÇK-në dhe se ushtarët e UÇK-së që moti janë distancuar nga ata.

Related Topics:
Continue Reading

Lajme

Vdiq Papa Françeksu

Published

20 hours ago

on

April 21, 2025

By

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Continue Reading

Lajme

MPB: Ndalohen gjashtë persona, kapen me marihuanë

Published

20 hours ago

on

April 21, 2025

By

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Continue Reading

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

20 hours ago

on

April 21, 2025

By

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.

Continue Reading

TOP Lajme