Connect with us

Lajme

Fetai: FRASH-i ka djemtë dhe vajzat më të ditur dhe më të guximshëm, gjithmonë do të jem në dispozicionin tuaj

Published

10 months ago

on

Zv.kryministri Arben Fetai në fjalimin e tij në Konventin e dytë të FRASH-it, u shpreh se rinia e ASH-së ka djemtë dhe vajzat më të ditur dhe më të guximshëm të vendit, të cilët kanë qenë dhe janë të gatshëm të japin çdo gjë nga vetja për një të ardhme më të mirë.

“Në përpjekjen tonë të pandalshme për ndryshim, si Aleancë para disa muajsh kaluam disa turbulenca dhe disa funksionarë të kapur nga pushteti i atëhershëm e braktisën shtëpinë tonë të përbashkët. Por jo edhe aktivistët e sinqertë; jo edhe rinia e cila njëzëri e mbështeti vizionin tonë për ndaljen e keqqeverisjes 22 vjeçare. Pra, pjesa më e madhe, pjesa dërmuese e FRASH-it mbeti në Aleancën për Shqiptarët dhe sot jemi në këtë konventë të dytë për të vazhduar misionin”, u shpreh Fetai.

Fetai theksoi se ka mbështetur FRASH-in gjatë viteve me aq mundësi sa ka pasur, ndërsa tani si zv.kryeministër do të jetë në dispozicion dhe në mbështetje.

“Pra dua që të bashkëpunojmë që ta rrisim dhe ta forcojmë Aleancën për Shqiptarët, ashtu siç e meriton. Na kërkoni punë dhe projekte konkrete në dobi të shqiptarëve dhe të rinisë, na bëni presion kur duhet, dhe mbi gjitha, na kërkoni llogari për veprimin tonë në qeverisje. Për fund, dua t’ua rikujtoj që FRASH-i është një mundësi e jashtëzakonshme për të mësuar dhe për t’u pjekur politikisht dhe profesionalisht. Ju lutem shfrytëzojeni në maksimum sepse jeni në kohën më të mire”, u shpreh Fetai.

Related Topics:
Continue Reading

Lajme

Vdiq Papa Françeksu

Published

19 hours ago

on

April 21, 2025

By

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Continue Reading

Lajme

MPB: Ndalohen gjashtë persona, kapen me marihuanë

Published

19 hours ago

on

April 21, 2025

By

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Continue Reading

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

19 hours ago

on

April 21, 2025

By

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.

Continue Reading

TOP Lajme