Deputeti francez kërkon hetim penal ndaj TikTok-ut për rrezikimin e jetës së përdoruesve të rinj

Deputeti socialist Arthur Delaporte ka kërkuar nga prokuroria e Parisit të nisë një hetim penal ndaj TikTok-ut, duke e akuzuar platformën për “rrezikim të jetës së përdoruesve të rinj”.

Raporti gjashtëmujor i komisionit parlamentar francez e përshkruan TikTok-un si një “helm të ngadaltë” për fëmijët, duke theksuar ndikimin e algoritmeve që i ekspozojnë ata ndaj përmbajtjeve të dëmshme.

Komisioni rekomandon ndalim të rrjeteve sociale për fëmijët nën 15 vjeç dhe një “orë policore digjitale” për të rinjtë 15-18 vjeç.

Raporti sugjeron gjithashtu krijimin e një ligji për “neglizhencë digjitale” ndaj prindërve dhe një fushatë informuese publike.

TikTok hodhi poshtë akuzat, duke theksuar masat e saj të sigurisë dhe moderimit të përmbajtjes.

Çështja tani është në dorën e prokurorit, i cili do të vendosë nëse do të nisë një hetim zyrtar.

Për shkak të problemeve me sigurinë në sistemin e pagesave të shërbimit PayPal bankat gjermane kanë bllokuar transaksionet bankare që shkojnë në miliarda. Sikurse njofton gazeta Süddeutsche Zeitung problemi lidhej me urdhërpagesa të drejtpërdrejta përmes së cilave PayPal autorizohet të tërheqë para nga llogaritë bankare të klientëve, pasi ata kanë blerë mallra në internet.

PayPal është deri tani shërbimi më i rëndësishëm i pagesave në internet në tregun gjerman. Transaksionet përmes shërbimit PayPal përbëjnë rreth 30 përqind të pagesave për blerjet në internet.

Prej incidentit thuhet se janë prekur kryesisht tregtarët.

Mashtruesit synojnë klientët e bankave

Edhe Shoqata Gjermane e Bankave e konformoi incidentin me sistemin e pagesave të shërbimit PayPal. Ditët e fundit kanë ndodhur incidente të ndryshme, ndër të cilat mund të përmendet dërgimi i urdhërpagesave të paautorizuara nga PayPal-i në institucione të ndryshme bankare dhe krediti, deklaroi shoqata. Kjo ka pasur një ndikim të ndjeshëm në transaksionet e pagesave në të gjithë Evropën dhe veçanërisht në Gjermani.

Kriminelët vënë shpesh në shënjestër klientët e bankave dhe përdoruesit e kartave të kreditit dhe përpiqen vazhdimisht të mashtrojnë bankat dhe ofruesit e shërbimeve financiare si PayPal për të vjedhur para nga llogaritë bankare të viktimave të tyre duke përdorur urdhërpagesa të rreme.

Sipas informacioneve të Süddeutsche Zeitung sistemi i sigurisë së shërbimit PayPal, i cili supozohet të zbulojë dhe të filtrojë përpjekje të tilla për mashtrim, me sa duket gjatë fundjavës së kaluar ka dështuar plotësisht ose në pjesën më të madhe. Si rezultat PayPal-i me sa duket u ka dërguar bankave pa asnjë lloj verifikimi të gjitha urdhërpagesat e paautorizuara./DW

Miliarderët dhe drejtuesit e firmave të inteligjencës artificiale, shefi ekzekutiv i OpenAI, krijuesit të ChatGPT, Sam Altman dhe themeluesi i Tesla, Elon Musk, po udhëheqin projekte për të implantuar inteligjencën artificiale dhe bioteknologjinë në trupin e njeriut, tha një profesor i filozofisë për Anadolu, duke paralajmëruar se masat mbrojtëse etike janë kritike për të shmangur “dehumanizimin”.

Altman po përgatitet të lansojë Merge Labs, një start-up ndërfaqeje tru-kompjuter, sipas Financial Times, i cili do të konkurrojë drejtpërdrejt me Neuralink të Musk.

Ahmet Dag, një profesor pranë Universitetit Bursa Uludag të Turqisë, tha se këto projekte synojnë të kapërcejnë kufijtë biologjikë të njeriut duke rritur aftësitë mendore, fizike dhe psikologjike.

Ai vuri në dukje se Ray Kurzweil, një ish-inxhinier i Google, nisi pjesën më të madhe të debatit teorik dhe praktik mbi “trans-humanizmin” vite përpara se Musk dhe Altman të hynin në këtë fushë.

“Singulariteti teknologjik, i cili doli në pah me Neuralink të Musk në vitin 2021, kërkon të transferojë vetëdijen njerëzore te makinat përmes ndërfaqeve tru-kompjuter dhe implanteve. Përfshirja e Sam Altman në këtë iniciativë të re tregon se kjo teknologji do të transformojë kujdesin shëndetësor dhe arsimin, por gjithashtu do të sjellë ndryshime globale ekonomike dhe sociale.”

Dag theksoi se motivimi i trans-humanizmit është dëshira njerëzore për të shtyrë vazhdimisht kufijtë dhe për të ndërtuar forma të reja ekzistence.

“Kushtet si sëmundja, plakja dhe vdekja kërkohen të kapërcehen me këto teknologji do të jetë e mundur të kurohet paraliza ose të eliminohen gjendje si Alzheimeri, etj., me implante dhe ndërhyrje bioteknike”, tha ai.

“Ata (mbrojtësit e trans-humanizmit) besojnë se është e mundur të arrihet pavdekësia duke transferuar vetëdijen në makina – kjo teknologji besohet se luan një rol kyç në zgjidhjen e krizave globale si ndryshimi i klimës, epidemitë dhe uria, por këto projekte do të sjellin gjithashtu debate të reja sociale, etike dhe kulturore”, shtoi ai.

Ai paralajmëroi se ndërfaqet tru-kompjuter, implantet e inteligjencës artificiale, inxhinieria gjenetike dhe ngarkimi i mendjes mund të ndryshojnë rrënjësisht atë që do të thotë të jesh njeri.

“Nëse këto projekte realizohen, qoftë edhe pjesërisht, natyra organike e njerëzve dhe konceptet si vetëdija, identiteti, vullneti i lirë, liria dhe barazia do të vihen në pikëpyetje”, tha ai.

Ai theksoi se njerëzit janë më shumë sesa trupa biologjikë ose makina njohëse, por edhe qenie kulturore dhe metafizike.

“Këto projekte trans-humaniste i shohin njerëzit dhe jetën në terma materialë, por njerëzit dhe jeta janë shumë-shtresorë. Nëse kjo shumë-shtresorë injorohet dhe njerëzit trajtohen si organizma funksionalë kjo mund të sjellë rrezikun e ‘dehumanizimit’, që i referohet humbjes së vlerave të vërteta dhe thelbësore. Është thelbësore që këto teknologji të udhëhiqen dhe menaxhohen brenda një kuadri drejtësie, etike, barazie dhe dinjiteti – nëse lihen në dorë të dinamikës së tregut dhe interesave të atyre që monopolizojnë pushtetin, njerëzimi mund të jetë nën rrezik të madh.”

Dag arriti në përfundimin se singulariteti teknologjik mund ta çlironte njerëzimin nëse zhvillohej nën korniza drejtësie, etike, barazie dhe dinjiteti – por pa to, mund ta skllavëronte njerëzimin.

“Megjithatë, çështja e vërtetë nuk është se sa larg në horizont mund të arrijë teknologjia, por çfarë lloj vlerash lejojnë këto horizonte”, tha ai.