Ndërsa shqiptarët presin barazi dhe përfaqësim të drejtë në institucionet publike, qeveria FLEN po mbyll sytë përballë një diskriminimi brutal që po ndodh përditë. S

Së fundmi, në HEC Mavrovë në Gostivar kanë filluar punën gjithsej 35 persona – 30 maqedonas dhe vetëm 5 shqiptarë. Dhe ky është vetëm fillimi, sipas informacioneve të siguruara, të hënën pritet të punësohen edhe 30 maqedonas të tjerë.

Kjo do të thotë 60 maqedonas përkundrejt vetëm 5 shqiptarëve – një disproporcion i turpshëm dhe një dëshmi tjetër se vendimmarrja në këtë shtet vazhdon të funksionojë mbi baza etnike, jo mbi kritere profesionale apo të drejtës.

Diskriminimi nuk ndalet vetëm në ndërmarrjet publike. Edhe në sferën e sigurisë, padrejtësia është sistematike. Në konkursin e fundit për punësim në Policinë e Gostivarit, nga 20 aplikantë shqiptarë kanë kaluar vetëm 3, ndërsa nga 12 aplikantë maqedonas kanë kaluar 10. Përzgjedhja nuk i ngjan as garës, as barazisë – i ngjan skenarëve të pastrimit të heshtur etnik në institucionet publike.

Ku janë përfaqësuesit shqiptarë në qeveri?
Ku është FLEN që premtoi ndryshim, përfaqësim dhe dinjitet?
Kur institucionet e vendit funksionojnë si agjenci punësimi për militantët e VMRO-DPMNE-së dhe shqiptarët përjashtohen si rregull e jo si përjashtim, nuk kemi të bëjmë me reformë – kemi të bëjmë me tradhti politike dhe dështim total të partnerëve shqiptarë në pushtet.

Aleanca për Shqiptarët e konsideron këtë sjellje të qeverisë një sulm të drejtpërdrejtë ndaj parimit të përfaqësimit të drejtë dhe kërkon hetim urgjent mbi proceset e punësimeve në HEC Mavrovë dhe MPB në Gostivar, si dhe transparencë të plotë mbi përzgjedhjen e kandidatëve.

ASH kërkon ndërprerjen e menjëhershme të çdo praktike diskriminuese në punësimet publike.

ASH kërkon dorëhqeje të përfaqësuesve shqiptarë në qeveri nëse nuk janë në gjendje të garantojnë përfaqësimin minimal të shqiptarëve. Mjaft më me heshtje bashkëfajtore! Mjaft me qeveri që mban emrin “FLEN” dhe nuk zgjohet kurrë kur shqiptarët diskriminohen!

Aleanca për Shqiptarët

Deputeti i Aleancës për Shqiptarët, Halil Snopçe, ka reaguar ndaj punësimeve të fundit në njësinë HEC Mavrovë në Gostivar, të cilat sipas tij janë një tjetër “sukses spektakular i VLEN-it”, por këtë herë në dëm të shqiptarëve.

Snopçe thekson se janë shpërndarë 35 kontrata pune, prej të cilave 29 për maqedonas dhe vetëm 6 për shqiptarë. Ai paralajmëron se numri i të punësuarve do të rritet në ditët në vijim deri në arritjen e një marrëveshjeje përfundimtare, që përfshin 55 punësime për maqedonas dhe vetëm 10 për shqiptarë.

“Për mua është e paqartë: A mos vallë VLEN nuk ka anëtarësi në Gostivar për të gjetur edhe katër shqiptarë, apo kjo është thjesht një tjetër shërbim që po i bëjnë VMRO-së në këmbim të votave që presin në zgjedhjet e ardhshme?”, shkruan Snopçe.

Snopçe kujton se në këtë institucion shqiptarët historikisht nuk kanë qenë të përfaqësuar në mënyrë të drejtë dhe në vend që të përmirësohet kjo përqindje, VLEN po e zvogëlon edhe më shumë përfaqësimin e tyre.

Një marrëveshje 55 me 10 është e papranueshme dhe tregon qartë disfavorin që VLEN pranon për shqiptarët, ka përfunduar Snopçe.

Doktori nga Tetova, Haris Karaxhenemi përemes një postimi ka reaguar ndaj lajmit se gjoja qeveria ka ndarë mjete për ndërtimin e spitali ose rekonszruimit të të njejtit.

Mos luani me inteligjencën e Tetovarëve – Tetova nuk harron!
❌Pa projekt teknik
❌Pa plan arkitektonik
❌Pa fonde të miratuara
🚫 Vetëm një letër, vetëm “nevoja” – JO vepra!
Populli kërkon VEPRIM TANI për projektet që presin vullnetin tuaj:
– Pediatria
– Kujdesi Intensiv dhe Anestezioni
– Sallat Operative
✋ Mjaft më – Tetova sheh, Tetova nuk harron!
MinistërVepro
TetovaNukDuron