Connect with us

Lajme

BDI/LSDM, rasti korruptiv “Pacienti”, “Spitali modular” dhe “shqetësimi” i tyre sot për pacientët

Published

5 months ago

on

Shkruan: Luljeta Ajrullai

Nga dita e parë në detyrën Ministër i Shëndetësisë, Arben Taravari, ka treguar një përkushtim të vazhdueshëm për përmirësimin e sistemit shëndetësor në vend, duke ndërmarrë reforma që kanë qenë të domosdoshme prej kohësh, e të cilën nuk e kanë bërë asnjëherë kritikuesit më të mëdhenj sot – BDI/LSDM.

BDI, parti e cila në biografinë e saj udhëheqëse me këtë ministri e mban turpin e rastit korruptiv të njohur si “Pacienti” sot e bën të shqetësuarën për pacientët! Hipokrizi! Absurd i llojit të vetë! Nga ana tjetër, në kohën e LSDM-së, u zbulua keqpërdorimi i ilaçeve onkologjike, më saktë tregtimi i tyre, ndërsa ky skandal me përmasa epike rrezikonte jetën e pacientëve. Kjo, shkaktoi edhe revoltë qytetare e cila shpërtheu me protesta disa javëshe.

Rasti tragjik ku u dogjën për së gjalli 14 njerëz në Spitalin Modular, e i cili ndodhi në kohën e qeverisjes BDI/LSDM akoma është i freskët dhe i dhimbshëm për të gjithë ne. Askush nuk u përgjigj atëherë, as nuk dha dorëheqje.

Ndërkohë që çdo vendim mund të përballet me kritika, është e rëndësishme të theksohet se sot, Arben Taravari, ka prioritizuar shëndetin e qytetarëve mbi interesat politike, apo të ndonjë grupi të caktuar.

Oponentët politikë, më saktë BDI dhe LSDM, po bëjnë akuza të pabazuara, duke e kthyer një fushë kaq të rëndësishme si shëndetësia në arenë të debatit politik. Megjithatë, faktet flasin ndryshe. Nën udhëheqjen e kësaj ministrie nga ana ministrit Taravari, ka plot nisma për përmirësimin e infrastrukturës shëndetësore, rritja e buxhetit për shëndetësinë, rritja e pagave të mjekëve, punësimi i specializantëve, dhe përpjekje të vazhdueshme për të siguruar qasje të barabartë për të gjithë qytetarët.

Çdo reformë ka sfidat e veta, por në vend që BDI/LSDM, të kritikojnë në mënyrë destruktive, është koha për mbështetje. Nëse nuk mund ta bëjnë këtë, të paktën le të heshtin! Shëndetësia nuk guxon në asnjë rast të jetë fushë për përfitime politike, por prioritet kombëtar, i të gjithëve. Ministri i Shëndetësisë meriton vlerësim për përpjekjet e tij, dhe çdo kritikë duhet të bazohet në fakte dhe jo në spekulime politike, dhe kurrë në kurriz të pacientëve.

Së fundmi, BDI/LSDM, nuk kanë të ndalur duke kërkuar dorëheqjen e tij, duke përdorur qasjen obstruktive të tyre për sulme politike. Ministri, Arben Taravari, në vazhdimësi që nga dita e parë si ministër, ka treguar gatishmëri për të dëgjuar dhe për të vepruar, dhe këto përpjekje duhet të mbështeten, jo të minohen, e assesi të obstruktohen.

Në rastin e Onkologjisë, ajo që ishte e dukshme, dhe e rëndësishme të theksohet, është se Ministria e Shëndetësisë, gjegjësisht ministri Taravari, dhe të gjitha strukturat përkatëse institucionale, janë të angazhuar vazhdimisht për të garantuar kujdesin dhe terapitë e nevojshme për pacientët onkologjikë.

BDI/LSDM, pa e harruar rastin e famshëm “Pacienti” dhe Spitalin modular, është mirë që ta kuptojnë se nuk bëhet politikë me qytetarët që kanë nevojë për mbështetje gjithëpërfshirëse. Ato, BDI/LSDM, duhet ta dinë se në trajtimin e çështjeve që lidhen me pacientët, është thelbësore të shmanget krijimi i panikut, pasi kjo mund të ndikojë negativisht te shëndeti mendor i pacientëve.
Komunikimi publik dhe Komunikatat politike të BDI/LSDM, për përfitime të ulëta politike, nuk i shërbejnë askujt, aq më pak pacientëve!

Përhapja e dezinformatave, dhe reagimet politike jo të sinqerta, e dëmtojnë moralin e pacientëve dhe familjarëve të tyre. Prandaj, është detyrë e të gjithëve, edhe e BDI/LSDM, që të tregojnë përgjegjshmëri në trajtimin e këtyre temave delikate. Pacientët kanë nevojë për mbështetje, qetësi dhe siguri, jo për alarm të panevojshëm, dhe as për përhapjen e pasigurisë dhe panikut.

*Autorja magjistre e shkencave sociologjike

Related Topics:
Continue Reading

Lajme

Refuzoi pjesëmarrjen në Tiranë, por konfirmoi pjesëmarrjen në Shkup në samitin e liderëve të Ballkanit

Published

3 minutes ago

on

July 1, 2025

By

Mediat e Maqedonisë së Veriut bëjnë të ditur se Albin Kurti ka konfirmuar pjesëmarrjen në samitin e Ballkanit Perëndimor që nis sot në Shkup. Tetova sot, nje media në gjuhen shqipe, thekson se Kryeministri në detyrë i Kosovës, Albin Kurti, dhe Presidenti i Serbisë, Aleksandar Vuciq, do të jenë ndër folësit në samitin dyditor që mbahet më 30 qershor dhe 1 korrik në Shkup, ku liderët e Ballkanit Perëndimor dhe përfaqësuesit e Bashkimit Evropian diskutojnë mbi zbatimin e Planit të Rritjes për rajonin.

Kurti nuk ka marrë pjesë në asnjë samit të Tiranës ku kanë qenë jo vetëm krerët e Ballkanit por edhe të Europës dhe NATO-s. Në këto takime ka marrë pjesë Presidentja Vjosa Osmani.

Takimi i nivelit të lartë mbledh krerët politikë dhe përfaqësues të institucioneve ndërkombëtare financiare për të shqyrtuar bashkëpunimin ekonomik, reformat dhe integrimin drejt Tregut të Përbashkët Rajonal.

Mbrëmjen e sotme, Kryeministri Hristijan Mickoski pret një darkë formale me liderët e rajonit dhe zyrtarët evropianë në “Winery Kamnik”. Ndërkohë, ministrat dhe partnerët zbatues do të marrin pjesë në një darkë paralelisht në të njëjtin ambient.

Pjesa kryesore e takimit zhvillohet më 1 korrik në “Hilton Double Tree Hotel”, ku fokusi kryesor është në vlerësimin e Planit të Rritjes, propozimet për iniciativat e reja dhe bashkëpunimin ekonomik përmes Tregut të Përbashkët Rajonal. Samiti përfshin dy panele diskutimi dhe do të përmbyllet me një konferencë për shtyp dhe drekë zyrtare.

Të pranishëm janë liderë si Kryeministri i Shqipërisë Edi Rama, Kryeministri në detyrë i Kosovës Albin Kurti, Presidenti i Serbisë Aleksandar Vuciq, Kryeministri i Malit të Zi Milojko Spajic dhe Kryetarja e Këshillit të Ministrave të Bosnjë e Hercegovinës, Borjana Krishto, së bashku me përfaqësues të BE-së, BERZH, BB dhe organizatave rajonale.

Takimi i Liderëve mbi Planin e Rritjes – Agjenda:

Ora 19:30 – Darka e Liderëve e organizuar nga Kryeministri Hristijan Mickoski

Vendi: “Winery Kamnik”, Shkup

Të ftuar: Liderët e rajonit, Komisioneri për Zgjerim dhe Drejtori i Përgjithshëm për Zgjerim dhe Fqinjësi Lindore

Ora 19:30 – Darka për Ministrat e Çështjeve Evropiane dhe partnerët zbatues

Vendi: Po ashtu “Winery Kamnik”

Ministrat për Çështje Evropiane (1+1)

Komisioni Evropian – Drejtori për Ballkanin Perëndimor (1+1)

Shërbimi i Jashtëm Evropian – Kreu për Evropën Juglindore (1+1)

Drejtorët e organizatave rajonale dhe partnerëve zbatues (1+0)

Ambasadorët (të BE-së, SHBA-së, Mbretërisë së Bashkuar)

Për delegacionet e tjera, darka do të shërbehet në “Hilton Double Tree Hotel”, Shkup

Ora 09:30 – 14:00, Vendi: Hilton Double Tree Hotel, Shkup

Pjesëmarrës: Liderët e Ballkanit Perëndimor, Ministrat për Çështje Evropiane, Komisioni Evropian, Shërbimi i Jashtëm Evropian, organizatat rajonale dhe bankat zbatuese (EIB, BERZH, BB, etj.)

Mirëseardhje dhe deklarata për media

Kryeministri Hristijan Mickoski

Komisionerja për Zgjerim Marta Kos

10:20 – 12:00 | Paneli I: “Plani i Rritjes – Vlerësimi, puna e ardhshme dhe komunikimi”

Moderator: Kryeministri Mickoski

Rishikimi i Planit të Rritjes në të gjitha shtyllat

Diskutim për iniciativat e reja në kuadër të Shtyllës 1 (turizmi, mbrojtja e konsumatorit, autostrada e tregut të përbashkët)

Liderët e Ballkanit Perëndimor (Rama, Kurti, Vuciq, Spajic, Krishto – në rend alfabetik) Komisionerja Kos

Foto familjare – Liderët dhe Komisionerja Marta Kos

Konferencë për media – Kryeministri Mickoski & Komisionerja Kos

(12:15 – 14:00 rezervuar për takime bilaterale)

12:45 – 14:00 | Paneli II: “Zgjerimi i Shtyllave të Planit të Rritjes”

Moderator: Ministri për Çështje Evropiane Orhan Murtezani

Zbatimi i agjendave të reformave

Drejtori i Përgjithshëm për Zgjerim Gert Jan Koopman

Përfaqësues të Shërbimit të Jashtëm Evropian

Ministrat për Çështje Evropiane të Ballkanit Perëndimor

Drejtues të CEFTA, Këshilli Rajonal për Bashkëpunim, BERZH, BB, etj.

14:00 – Foto familjare për Ministrat dhe partnerët zbatues

14:10 – Drekë dhe nisje

Continue Reading

Lajme

Deputeti Halil Snopçe merr pjesë në Asamblenë Parlamentare të OSBE-së në Portugali

Published

24 minutes ago

on

July 1, 2025

By

Deputeti i Aleancës për Shqiptarët, Halil Snopçe, po merr pjesë në punimet e Asamblesë Parlamentare të OSBE-së, e cila po mbahet në qytetin Porto të Portugalisë.

Në këtë eveniment të rëndësishëm ndërkombëtar, përfaqësues nga vende të ndryshme po diskutojnë mbi çështje të sigurisë, stabilitetit dhe bashkëpunimit në rajonin e OSBE-së. Temat kryesore përfshijnë sfidat aktuale të sigurisë, rolin e organizatës në promovimin e paqes dhe demokracisë, si dhe forcimin e dialogut ndërparlamentar.

Snopçe ka bërë të ditur se gjatë sesioneve të asamblesë do të zhvillohet edhe votimi për zgjedhjen e kryetarit të ri të Asamblesë Parlamentare të OSBE-së, një moment me rëndësi për drejtimin dhe prioritetet e ardhshme të këtij institucioni.

Pjesëmarrja e deputetit Snopçe në këtë forum ndërkombëtar përforcon angazhimin e përfaqësuesve tanë në nisma dhe platforma që kanë në fokus sigurinë rajonale, bashkëpunimin ndërkombëtar dhe mbrojtjen e vlerave demokratike.

Continue Reading

Lajme

Skandal në Kërçovë: Drejtori i shtëpisë së shëndetit largon nga puna 8 të punësuar për hakmarrje politike

Published

2 hours ago

on

July 1, 2025

By

Drejtori i drejtori i shtëpisë së shëndetit të Kërçovës ka larguar nga puna tetë të punësuar nga ky spital përshkak të bindjeve politike të tyre. Tetë të punësuarit janë le larguar kanë kërkuar tu kthehen kontratat e punës në të kundërtën do të ndjekin rrugën ligjore dhe protestat, shkruan Top24

https://www.facebook.com/share/v/1ADZSWa5No/

Continue Reading

TOP Lajme