Pas kryeministrit të Shqipërisë, Edi Rama, edhe Presidenti i Republikës së Shqipërisë, Bajram Begaj, ka anashkaluar takimet me përfaqësuesit e koalicionit VLEN gjatë vizitës së tij në Ohër, në kuadër të ftesës zyrtare të Presidentes së Maqedonisë së Veriut, Gordana Siljanovska-Davkova.

Në faqen e tij zyrtare në Facebook, Presidenti Begaj ka publikuar dy albume fotografish nga vizita në Maqedoninë e Veriut. Në njërin, ai informon për takimin bilateral me Presidenten Siljanovska-Davkova, ndërsa në tjetrin, dokumenton takimin me liderin e Bashkimit Demokratik për Integrim (BDI), Ali Ahmeti.

“Me Ali Ahmetin është gjithmonë kënaqësi të takohesh e të ndash mendime. Shqiptarët në Maqedoninë e Veriut janë faktor vendimtar shtetformues dhe mbështetës të palëkundur të rrugës Euroatlantike të vendit, duke dëshmuar ngahera përkushtim ndaj paqes, stabilitetit, bashkëjetesës dhe vlerave demokratike,” ka shkruar Begaj në postimin e tij.

Mungesa e takimeve me liderët e VLEN-it vjen në një kohë kur raportet diplomatike mes Tiranës dhe përfaqësuesve të këtij koalicioni janë të tensionuara. Kujtojmë se edhe Edi Rama, gjatë samitit të fundit në Shkup, zgjodhi të takohej vetëm me liderin e BDI-së, Ali Ahmeti, me nënkryetarin dhe ministrin e Jashtëm Bujar Osmani, si dhe me liderin e Aleancës për Shqiptarët, Arben Taravari, tashmë pjesë e opozitës shqiptare.

Ndërkohë, ambasadori i Shqipërisë në Shkup, Denion Mejdani, disa herë është akuzuar, injoruar dhe përbuzur nga përfaqësues të koalicionit VLEN.

Ky zhvillim i fundit duket se konfirmon një linjë konsistente të Tiranës zyrtare, që ka zgjedhur të komunikojë vetëm me aktoret politikë që e konsideron legjitimë dhe të besueshëm, duke lënë jashtë VLEN-in – një mesazh diplomatik që tashmë po lexohet me vëmendje në Shkup. Flaka

Gazetari dhe analisti politik Seladin Xhezairi, në një prononcim për Flaka, ka komentuar zhvillimet politike në vend dhe efektet e bashkëqeverisjes së koalicionit VLEN me VMRO-DPMNE-në dhe ZNAM-in. Sipas tij, grupimi politik që gëzon përkrahjen e kryeministrit të Kosovës, Albin Kurti, dhe të Lëvizjes Vetëvendosje, ka dështuar në përmbushjen e pritshmërive, si brenda vendit ashtu edhe në arenën ndërkombëtare.

Driton Zenku

“Në gjykimin tim, grupimi politik që ka mbështetjen e Prishtinës zyrtare, të LVV-së dhe kryeministrit Albin Kurti, dështoi si në planin e brendshëm – kemi një degradim të interesave shqiptare – ashtu edhe në atë të jashtëm,” thekson Xhezairi.

Ai nënvizon se negociatat për anëtarësimin me të drejta të plota në Bashkimin Evropian vijojnë të mbeten të bllokuara, për shkak të mungesës së ndryshimeve kushtetuese, përfshirë futjen e bullgarëve në Kushtetutë.

“Negociatat për aderim me të drejta të plota në BE vazhdojnë të mbeten të bllokuara për mungesë të ndryshimit të Kushtetutës dhe futjes edhe të bullgarëve në të,” shton ai.

Në vlerësimin e Xhezairit, ndërsa VMRO-DPMNE dhe lideri i saj, kryeministri Hristijan Mickoski, po e realizojnë pa pengesa programin e tyre shtetformues, katër partitë politike shqiptare në pushtet nuk po arrijnë të mbrojnë interesat e komunitetit që përfaqësojnë.

“Fitohet përshtypja se partia VMRO-DPMNE dhe kreu i saj, kryeministri Hristijan Mickoski, po e realizojnë në plotëni programin e tyre parazgjedhor, duke e bërë Maqedoninë – të maqedonasve, ndërsa katër subjektet politike shqiptare duket se u vetëmjaftojnë vetëm postet që ushtrojnë!” përfundon Xhezairi.

Ky vlerësim i ashpër i analistit vjen në një kohë të tensionuar politike, kur rezultatet e sondazheve të fundit po tregojnë një zhgënjim të qartë të elektoratit shqiptar me përfaqësuesit e tij në pushtet. Flaka

Shkruan: Emin Azemi

Mbrëmë është hapur manifestimi kulturor VERA E OHRIT, ku i pranishëm në hapjen solemne ishte edhe Presidenti i Shqipërisë Bajram Begaj. Dikush që e ka pa z. Begaj, ka pritur që VERA e OHRIT në programin e saj do të ketë edhe ndonjë ngjarje teatrore apo muzikore edhe në gjuhën shqipe.

Mirëpo pritjet dolën të kota, sepse sipas programit të mëposhtëm, VERA E OHRIT sivjet as nuk do të deklamojë, as nuk do të këndojë në gjuhën shqipe.

Për një konceptim të tillë programor, kompetent janë drejtuesit e këtij festivali, por, përtej kësaj, është e pakuptimt që në një manifestim të tillë që financohet nga shteti, të bëhet një analshkalim kaq flagrant i kulturës shqiptare. Dalngadalë, por sigurt, po ndodhë një rrudhje, një reduktim i gjithë asaj që quhet pjesëmarrje proporcionale ose hise e kulturës shqiptare në Maqedoni…..
VERA E OHRIT sivjet është dëshmia më e mirë e kësaj rrudhjeje…..

Arsyet pse ka ndodhur kjo, nuk do t’i dijnë vetëm ata që nuk janë të mësuar me dreqnillëqet e politikës….Por, të gjithë dreqëririt e politikës, si zakonisht, do ta japin versionin e tyre të arsyetimeve….
Ja programi:

12/07/2025 (21:00) Ceremonia e hapjes së Festivalit të Verës së Ohrit 2025

Programi muzikor “Transformimi i Shqisave”
Teatri antik

13/07/2025 ( 21:00) – Shfaqje teatrale – Monodrama “Të gjitha gjërat më të bukura” nga Duncan McMillan Programi i Dramës
14/07/2025 ( 21:00 ) –Mbrëmja Çeke – Lukas Vondracek – program muzikor për piano
15/07/2025 ( 21:00 ) — Mbrëmja e BE-së; Kuarteti “Modigliani”, program Francemusic
16/07/2025 (21:00) -Mbrëmje Austriake – Kuinteti i Harqeve i Orkestrës Simfonike Tiroleane nga Programi Muzikor i Innsbruck-ut
17/07/2025 (21:00) – Shfaqje teatrale “12” bazuar në motivet e “12 Burrave të Zemëruar” nga Reginald Rose. Program dramatik.
18/07/2025 (21:00) – Mbrëmje lituaneze e muzikës dhe artit; Dyshja e pianos: Rokas Zubovas dhe Sonata Devejkite – Zuboviene; Ekspozita artistike: Riprodhime pikturash nga Mikalojus Konstantinas Programi muzikor Čiurlionis
19/07/2025 (21:00)- Ansambli “Rey”, Turqi, program muzikor

20/07/2025 (21:00) – Koncert “Libertango” i programit muzikor të Orkestrës së Institutit FAME’S
21/07/2025 ( 21:00) -Daniel Müller-Schott – violonçel, program muzikor i Gjermanisë
22/07/2025 ( 21:00 ) – Lukasz Dlugosz – flaut, Poloni Andrzej Jungiewicz – program muzikor piano
23/07/2025 ( 21:00) – Premierë e shfaqjes teatrale “Amadeus” nga Peter Schafer Programi i Dramës
24/07/2025 (21:00) – Mbrëmje Italiane – Programi Muzikor i Filarmonisë së Bolonjës
25/07/2025 (21:00) – Mbrëmje Greke – Danae Dorken – program muzikor për piano
26/07/2025 (21:00) – Mbrëmje Holandeze – Kuarteti i Harqeve i Orkestrës Mbretërore Concertgebouw Programi Muzikor
27/07/2025 (21:00) – Ansambli Consonance – Programi muzikor “Mozaik”
28/07/2025 ( 21:00) -Emir Imerov – violinë, Maqedoni; Vag Papian – piano, Programi Muzikor i Izraelit
29/07/2025 ( 21:00) – Koncert i Orkestrës së Dhomës së MMM-së “Sasha Nikolovski- Gjumar”, Programi Muzikor Maqedonas
30/07/2025 ( 21:00 ) Mbrëmje kroate; Programi muzikor i Solistëve të Zagrebit
31/07/2025 ( 21:00) – Koncert Damjan Pejcinovski – kitarë, Programi muzikor maqedonas
02/08/2025 (20:00)- Shfaqje teatrale për fëmijë “Koncert i Bandave 5+” Prodhim i OHO-së.