Dy vajza të reja, Albina Abazi dhe Eriona Ramadani, të dyja 16-vjeçare dhe nxënëse të vitit të dytë në gjimnazin “Drita”, humbën jetën në një aksident tragjik me motor në fshatin Kolibar të Kërçovës, informon INA.

Deri më tani nuk janë dhënë detaje se si ka ndodhur aksidenti fatal, që mori jetën e dy vajzave të reja kërçovare.

Kjo ngjarje ka tronditur jo vetëm familjet Abazi dhe Ramadani, por edhe gjithë Kërçovën.

Ne një postim të SHMK “Drita” – Kërçovë ky dy të rejat ishin nxënëse është dhënë lajmi mortor për humbjen tragjike të Eriona Ramadanit dhe Albina Abazit.

“Me dhembje të thellë dhe zemra të tronditura morëm lajmin për ndarjen tragjike nga jeta të dy nxënëseve tona të dashura, Eriona Ramadani dhe Albina Abazi. Humbja e tyre ka prekur thellë çdo kënd në shkollën tonë dhe ka lënë pas një boshllëk të pazëvendësueshëm në zemrat tona.

Në këto çaste të rënda pikëllimi, stafi pedagogjik, drejtoria dhe gjithë nxënësit e SHMK “Drita” – Kërçovë shprehim ngushëllimet më të sinqerta për familjet, të afërmit dhe miqtë e tyre. Ndajmë dhimbjen me ju dhe lutemi që Zoti t’ju japë forcë për ta përballuar këtë humbje të madhe.

Qoftë kujtimi i Erionës dhe Albinës i përjetshëm! U prehshin në paqe!”, thuhet në lajmin mortor të drejtorisë së kësaj shkolle. (INA)

Nafie Selmani ka reaguar ndaj politikave të fundit të VLEN-it, duke i quajtur propagandë të mjerë dhe tallje me qytetarët.

“VLEN-i, që në prillin e vitit 2024 premtonte 10 mijë euro për secilin qytetar, punësim nga një anëtar për çdo familje dhe ndryshime rrënjësore, sot ka përfunduar në propagandë të mjerë. Një ‘masë të jashtëzakonshme’ 15% lirim për lapsa e fletore!”, shkruan Selmani.

Sipas saj, kjo është dëshmi se pushtetarët janë të vetëdijshëm për dhimbjen më të madhe të qytetarëve – varfërinë – dhe po e shfrytëzojnë në mënyrën më të ulët.

“Nga premtime të mëdha që ushqyen shpresa, tek lirimet qesharake që vetëm e thellojnë përçmimin dhe talljen ndaj qytetarëve”, thekson Selmani.

Ajo ndalet edhe te fakti se VLEN-i, për të promovuar këtë masë, përdori një vajzë të re, e cila sipas raportimeve të mediave, pasi u punësua vetë, babai i saj u emërua drejtor dhe motra u punësua po ashtu.

“VLEN-i e përdori këtë vajzë për të na shitur kopalla. Për vete punësime, ndërsa për qytetarët lirime 15 përqindëshe për lapsa e fletore. Në vend që të turpërohen për nepotizmin e hapur, e përdorën atë për të shitur propagandë boshe. Tragjike, e poshtër dhe fyese për secilin qytetar!”, thekson Selmani.

Ajo përfundon duke thënë se VLEN nuk po zbaton politika të qëndrueshme për luftimin e varfërisë, siç kishte premtuar, por po shfrytëzon fukarallëkun si kartë propagandistike.

“Vetëm një politikan i mjerë e përdor fukarrallëkun kaq poshtërsisht”, mbyll reagimin e saj Nafie Selmani. /Flaka Media/

Pjesa më e madhe e barrës, thonë ata, do të bjerë mbi qiramarrësit – njerëz që tashmë mezi po ia dalin mbanë.

Apartamenti – një ëndërr e parealizueshme

Sipas të dhënave, metri katror në Shkup ka kohë që e ka thyer limitin magjik prej 2.000 eurosh, dhe në komuna si Qendra dhe Karposhi arrin mbi 2.100 euro.

Me taksën e plotë prej 18% të shtuar në këtë çmim, një apartament bëhet një ëndërr e largët, pothuajse e paarritshme për shumë familje.

Por, paralelisht, efekte të reja do të përhapen në treg – pronarët e apartamenteve do të rrisin qiratë.

“Nëse zhvilluesi e shet apartamentin me një çmim më të lartë, investitori automatikisht rrit llogaritjen e kthimit të parave të investuara. Dhe kush paguan për këtë? Qiramarrësit. Qiraja do të rritet sepse pronarët duan ta rikuperojnë investimin e tyre më shpejt”, shpjegojnë ekonomistët.

Një goditje për të rinjtë dhe studentët

Studentët dhe çiftet e reja do të preken veçanërisht. Në vitet e fundit, shumë prej tyre kanë përdorur qiranë në pritje të një mundësie më të mirë për të blerë shtëpinë e tyre.

Por nëse qiratë rriten ndjeshëm, zgjedhja do të jetë midis një apartamenti me çmim të lartë me kredi ose një apartamenti me qira edhe më të shtrenjtë.

“Unë dhe i dashuri im kemi dy vjet që kërkojmë një apartament me një çmim normal. Aktualisht po paguajmë 300 euro në Aerodrom për 50 metra katrorë. Nëse rritet TVSH-ja, qiradhënësi ka njoftuar tashmë se do ta rrisë qiranë. Nuk e di nëse do të jemi në gjendje ta përballojmë”, thotë Jovana 28-vjeçare nga Shkupi.

Ndërtuesit – kundër taksave më të larta

Dhoma e Ndërtimit paralajmëron se një veprim i tillë do të ketë pasoja më të gjera ekonomike.

“Nuk është në interesin as të qytetarëve dhe as të ndërtuesve që norma të rritet në 18%. Kjo kufizon drejtpërdrejt fuqinë blerëse dhe indirekt rrit presionin mbi tregun e qirasë së banesave. Nëse shteti dëshiron t’i stimulojë të rinjtë të qëndrojnë këtu, kjo nuk është rruga e duhur”, thanë ata.

Ministria e Financave thotë se analizat janë duke vazhduar.

“Sipas rregulloreve ligjore, shitja e parë e apartamenteve tani tatohet me 5%. Nëse vlerësohet se ka nevojë, Qeverisë do t’i propozohen masa”, komentoi institucioni.

Ekonomia gri dhe pagesat me “para në dorë”

Një problem shtesë është se gjysma e apartamenteve në vend blihen me para në dorë.

Guvernatori i BPRM-së, Trajko Slaveski, kohët e fundit kujtoi se kjo ngre dyshime serioze – nga vijnë këto para?

“Pavarësisht nëse ka kursime, nëse ka hyrje të paraportuara… kjo duhet të kontrollohet nga institucione të tjera”, tha ai.

Por një gjë është e qartë – çdo rritje çmimesh vetëm sa do të rrisë pabarazinë midis atyre që kanë para në dorë dhe atyre që duhet të marrin hua.

Në fund të fundit, ata që nuk kanë zgjidhje tjetër veçse të jetojnë në banesa me qira mbeten më të prekurit.

“Kur shteti bën ndryshime, ne gjithmonë e paguajmë çmimin. Pronarët do ta kompensojnë humbjen e tyre duke rritur qiranë, dhe ne do të duhet të ia dalim mbanë”, thotë Ilija, një qiramarrës 35-vjeçar nga Shkupi.

Dhe kështu – rrethi mbyllet. Çmimet më të larta të apartamenteve nënkuptojnë qira më të lartë. Dhe qira më e lartë – do të thotë një barrë tjetër për njerëzit që tashmë jetojnë nga muaji në muaj. Pyetja është: sa gjatë do të zgjasin ato?