Kryetari i Komunës së Gostivarit, Valbon Limani në intervistën e fundit të tij, mes tjerash theksoi se bulevardi “Vëllezërit Gjinovski” do të zgjerohet në 4 korsi.

“Kohëve të fundit kemi punuar intensivisht në procedurën e eksproprijimit dhe një nga procedurat që tashmë e kemi kryer është një objekt në bulevardin “Vëllezërit Gjinovski”, i cili i takon Bllokut urbanistik 2 dhe me të cilën u eksproprijua një objekt dhe do të mundësohet që ky segment prej Vitamin Aga deri te ura e gjykatës të realizohet si bulevard me 4 korsi”, u shpreh kryetari i Komunës, Valbon Limani.

Kreu i Komunës së Gostivarit, Valbon Limani theksoi procedura e eksproprijimit ka përfunduar për t’u hapur rruga prej te stacioni i autobusëve në drejtim të lagjes “Pitarnicë”.

“Kemi përfunduar edhe një procedurë eksproprijimit i cili gjendet në Bllokun urbanistik 8, me të cilin do të mundësohet që të hapet rruga prej stacioni i autobusëve në drejtim të hekurudhës në lagjen “Pitarnicë”. Paralel me këto, kemi edhe afër dy-tre procedura të tjera eksproprijimi me të cilat do të mundësohet të hapim edhe tre rrugë të tjera”, u shpreh Limani.

Rasti i familjes Nuredini nga Dibra po ngre dyshime serioze për nepotizëm dhe favorizime politike në institucionet shtetërore. Pas punësimit të Yllka Nuredinit te Arben Fetai, tashmë edhe motra e saj, vetëm 18-vjeçare, është punësuar në Ministrinë e Shëndetësisë, ndërsa babai i tyre mban pozitën e drejtorit në një institucion publik.

Ky zinxhir punësimesh brenda të njëjtës familje ka hapur debate të forta rreth mënyrës se si funksionon sistemi i punësimeve në administratë dhe sa i kontrolluar është ky proces nga politika. Kritikat më të mëdha shkojnë në adresë të Ministrit të Shëndetësisë, Azir Aliu, nën drejtimin e të cilit ndodh ky rast, duke vënë në pikëpyetje transparencën dhe drejtësinë e konkursit publik.

Në një kohë kur qindra të rinj të kualifikuar mbeten pa punë ose detyrohen të emigrojnë për një vend pune të ndershëm, punësimi i një 18-vjeçareje në një ministri kyçe si ajo e Shëndetësisë shihet si shpërdorim i pushtetit dhe privilegj i pastër familjar.

Ky rast është vetëm edhe një tregues i kulturës së nepotizmit që vazhdon të minojë institucionet dhe të rrënojë besimin e qytetarëve në shtetin ligjor. Përgjegjësia politike bie mbi ministrin Aliu, i cili duhet të sqarojë publikisht se si është e mundur që familja Nuredini të “rezervojë vende pune” në institucionet shtetërore, ndërkohë që qytetarët e tjerë trajtohen si qytetarë të dorës së dytë.

Nga Aleanca për Shqiptarët e Arben Taravarit kanë reaguar duke thënë se pozita e zëvendësministrit në Mbrojtje mbetet e zbrazët, ndërsa shqiptarët janë të lënë pas dore.

Më poshtë reagimi i plotë i ASH – Taravari:

Me daljen e Aleancës për Shqiptarët nga qeveria dhe braktisjen e koalicionit VLEN, vendi i zëvendësministrit në Ministrinë e Mbrojtjes mbetet vakant. Edhe pas katër muajsh, në këtë ministri vazhdon diskriminimi i thellë ndaj shqiptarëve, ndërsa askush nuk po i mbron interesat e tyre.

VLEN nuk ka arritur të plotësojë vendin që i takonte Aleancës për Shqiptarët, kurse ministri i VMR-DPMNE-së po ndjek një agjendë antishqiptare, duke e zhveshur institucionin e sigurisë nga elementi shqiptar. Gjatë kësaj periudhe, nga gjithsej 120 vendime për emërime në pozita të nënoficerëve, vetëm 14 janë dhënë për shqiptarë, një tregues i qartë se komuniteti shqiptar është i lënë pas dore dhe nuk ka kush ta mbrojë.

Parashtrohet pyetja: a e humbi VLEN këtë pozicion dhe a do të emërohet së shpejti ndonjë kuadër maqedonas, si Petar Bogojevski, i cili i quan ushtarët e UÇK-së “banda terroriste”?

Ku mbeti Arben Fetai, i cili dikur thirrej në emër të Aleancës për Shqiptarët dhe që humbi dhjetëra pozicione në qeveri?

Aleanca për Shqiptarët kërkon përgjegjësi dhe transparencë nga Qeveria dhe VLEN për diskriminimin e vazhdueshëm të shqiptarëve në Ministrinë e Mbrojtjes.

Është e papranueshme që në digasterin e mbrojtjes të gjitha këto anomali, në një shtet që është anëtare e NATO-s.