Connect with us

Lajme

ASH-Gostivar: Satelitë të BDI-së, paratë e shpenzuara janë për veteranët e arsimit

Published

7 months ago

on

Reagim nga Aleanca për Shqiptarët dega Gostivar:

Komuna e Gostivarit me në krye Valbon Limanin dhe paraadhësin e tij, Arben Taravari, ka qenë, është dhe do të mbetet komuna më transparente në vend.

Po, është e vërtetë se komuna e Gostivarit ka paguar rreth 5.000 euro për dreka në restorante, por nëse do ishit pak më të ‘zgjuar’ do e shihnit pse janë paguar ato mjete. Që ta dini ju “frontmenët” e Selës (Aliut), ato pagesa kanë të bëjnë me drekat që janë shtruar për veteranët e arsimit shqiptar dhe turk në ditët përkatëse kur shënohen ditët e arsimit shqip dhe turk në Maqedoni, kurse pagesa është bërë për një ditë.

U bëjmë me dije satelitëve të BDI-së dhe “pretendentit” për “bartës liste” të Frontit se ato mjete janë të paguara dhe lehtë të verifikueshme se për çfarë kanë qenë të dedikuara, nëse nuk din apo nuk e dini, jemi këtu për të ju mësuar se si bëhen verifikimet.

Kush është i “pangopuri” këtu shihet qartë dhe ndoshta e dini se për çfarë janë paguar ato mjete, por me siguri jeni kundër shënimit të datave të rëndësishme në qytetin e Gostivarit, sikurse ato për arsim të cilat Taravari i bëri traditë ndërsa ju deri dje e duaktrokitnit, e sot po propagandoni se kështu ju detyron BDI-ja te e cila jeni strukur dhe kërkon shpëtim nga krimi që çdo ditë e zbulojnë zyrtarët e ASH-së të cilën e deshët vetëm për pushtet.

Me respekt,
Dega e ASH-së në Gostivar

Related Topics:
Continue Reading

Lajme

Vdiq Papa Françeksu

Published

10 hours ago

on

April 21, 2025

By

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Continue Reading

Lajme

MPB: Ndalohen gjashtë persona, kapen me marihuanë

Published

10 hours ago

on

April 21, 2025

By

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Continue Reading

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

10 hours ago

on

April 21, 2025

By

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.

Continue Reading

TOP Lajme