Një veprim që po interpretohet si hakmarrje politike, kryetari i Komunës së Tetovës, Bilall Kasami, ka transferuar me urdhër zyrtar punonjësin komunal njëherësh edhe pronar i portalit informativ Top24.mk, Ylber Jahiu në një vend tjetër pune, konkretisht në Infoqendrën.

Lajmin e ka bërë të ditur vetë Jahiu përmes një postimi në profilin e tij në facebook, ku thekson se sot kryetari i komunës së Tetovës, Bilall Kasame me urdhëresë ia ka ndërruar vendin e punës dhe si vend të përshtatshëm për të është INFOQENDRA.

Jahiu thejson më tej se se nuk është hera e parë që përballet me presion, duke përmendur edhe një video të mëhershme ku, sipas tij, është shënjestruar.

Postimi i plotë i Jahiut:

“Të dashur miq!
Sot kryetari i komunës me urdhëresë më ka ndruar vendin e punës dhe si vend të përshtatshëm për mua është INFOQENDRA.
Si pronar i portalit Top24.mk nuk është hera e parë që kam qenë shënjestër, madje shumë nga ju keni parë edhe një video që pati qarkulluar më herët.
Falemnderit Bilall Kasami për këtë qasje ndaj meje.
Trysnia nuk do ta ndal fjalën e lirë të medias”, ka përfunduar Jahiu.

Komisioni Rregullator i Energjetikës njoftoi se nga mesnata do të hyjnë në fuqi çmime të reja për derivatet e naftës.

Çmimet me pakicë të benzinës EUROSUPER BS-95 dhe EUROSUPER BS-98, të EURODIZEL-it (D-E V), si dhe të vajit ekstra të lehtë për përdorim shtëpiak (EL-1) do të rriten me 1.50 denarë për litër.

Sipas vendimit të ri:

EUROSUPER BS-95 do të shitet për 75.50 denarë/litër,

EUROSUPER BS-98 për 77.50 denarë/litër,

EURODIZEL (D-E V) për 71.50 denarë/litër,

Vaji ekstra i lehtë EL-1 për 71.00 denarë/litër.

Ndërkohë, çmimi me pakicë i naftës M-1 NS është rritur për 1.063 denarë, duke arritur në 40.472 denarë për kilogram.

Bashkësia Lokale e fshatit Çegran ka reaguar sërish lidhur me funksionimin e zyrës së ofiqarit në këtë vendbanim, duke theksuar se pavarësisht hapjes formale, shërbimet për qytetarët vazhdojnë të mungojnë.

“Zyra e ofiqarit u hap, por fatkeqësisht pa asnjë të drejtë. Nënpunësja qëndron në zyrë, por nuk është e autorizuar për të dhënë asnjë dokument,” thuhet në reagimin zyrtar.

Sipas Bashkësisë Lokale, shumë qytetarë të fshatit janë kthyer pa shërbime dhe janë detyruar të udhëtojnë sërish në Gostivar për të realizuar nevojat e tyre administrative.

“Shumë persona ktheheshin pas sot nga zyra e ofiqarit dhe orientoheshin për në Gostivar,” vijon reagimi.

Ata theksojnë se problemi vazhdon të jetë i njëjtë dhe kërkojnë përgjegjësi nga ata që kishin deklaruar publikisht se çështja ishte zgjidhur.

“Reagimi akoma vlen dhe çështja mbetet e pazgjidhur! Kërkojmë nga ata që deklaruan se çështja është zgjidhur, t’i qëndrojnë deri në fund fjalës së dhënë,” përfundon deklarata e Bashkësisë Lokale Çegran.

Redaksia do të ndjekë zhvillimet dhe të kërkojë sqarime nga institucionet përgjegjëse. Flaka