Kryetari i Aleancës për Shqiptarët, Arben Taravari, gjatë qëndrimit në Shtetet e Bashkuara të Amerikës, realizoi një takim me kongresisten republikane, znj. Nicole Malliotakis.

“Sot me kryetarin e komunës së Vrapçishtit, z. Isen Shabanin dhe mikun tonë z. Ilir Rusin patëm një bisedë të vyer me kongresisten republikane znj. Nicole Malliotakis. Kënaqësi!”, shkroi Taravari në rrjetet sociale, duke ndarë edhe fotografi nga takimi.

Vizita e Taravarit në SHBA po zhvillohet në kuadër të angazhimeve ndërkombëtare dhe përfshirjes së tij në forume ndërkombëtare për të drejtat e njeriut dhe zhvillimin demokratik në Ballkan.

Zgjedhjet lokale të këtij viti pritet të jenë ndër më të ashpërit që janë zhvilluar ndonjëherë në Maqedoninë e Veriut. Në lidhje me këtë, portali TetovaSot ka mësuar ekskluzivisht nga burime të sigurta përmbajtjen e anketës së fundit të realizuar nga Instituti Republikan Ndërkombëtar (IRI) me seli në SHBA.

Sipas të dhënave nga kjo anketë:

Fronti Kombëtar (BDI, ASH-Taravari dhe ASH-Sela) rezulton me 14% mbështetje në nivel kombëtar.

VLEN, bashkë me të gjitha subjektet e përfshira, renditet me vetëm 5% përkrahje.

Burimet e TetovaSot bëjnë me dije se anketa është zhvilluar në terren, me 1,200 persona të intervistuar, gjatë periudhës maj – qershor 2025.

Ajo që vlen të theksohet është se anketa i është prezantuar të gjithë partive dhe liderëve të koalicionit VLEN, të cilët tashmë janë të njohur me rezultatet e fundit të IRI-t./TS

Ministri i Shëndetësisë, Azir Aliu me pompozitet njoftoi sot se po hap Shtëpinë e Shëndetit në Ilinden, por edhe pse vetë shqiptar dhe Ligji për përdorimin e gjuhëve është në fuqi, sërish, tabela e këtij institucionit është vetëm në maqedonisht, njofton Top24.mk

Do të thotë tabela njoftuese e këtij institucioni shëndetësor nuk është edhe në shqip.