Donika Bakiu

Për herë të parë, ky studim realizohet në bashkëpunim me disabiblioteka të qyteteve të ndryshme të Republikës së Maqedonisë së Veriut, duke sjellë zëra, përvoja dhe perspektiva unike mbi rëndësinë e leximit në kohën e teknologjisë.Në Ditën Botërore të Librit, le të kujtojmë se fjala e shkruar ka ende fuqinë të na bashkojë, të na frymëzojë dhe të na udhëheqë. Në një epokë teknologjie, le të mos harrojmë rëndësinë e leximit – portë drejt dijes, mendimit kritik dhe shpirtit njerëzor.Dita Botërore e Librit u shpall nga UNESCO në vitin 1995 dhe ka si qëllim rritjen e ndërgjegjësimit për rëndësinë e librit dhe leximit.Përmes aktivëiteteve të ndryshme, si panaire librash, lexime publike, dhe prezantime të autorëve, kjo ditë synon të përkujtojë rolin e librit në shoqëri dhe ta bëjë atë më të aksesueshëm për të gjithë.Në një periudhë ku teknologjia ka ndikuar shumë në jetën e përditshme, duket se leximi i librave, si një aktivëitet tradicional, është sfiduar nga platformat digjitale dhe media sociale.                                                                                                                                             Gjulten Ajruli –Bibliotekare e Lartë në IN Biblioteka “Koço Racin-Tetovë” thotë:”Më 23 Prill, bota feston Ditën Botërore të Librit dhe të Drejtave të Autorit, një ngjarje e rëndësishme që promovon leximin, botimin dhe mbrojtjen e të drejtave të autorit. Në epokën e teknologjisë, ku informacioni është më i aksesueshëm se kurrë, leximi mbetet një nga aktivitetet më të vlefshme për zhvillimin intelektual dhe emocional të individit.

IN Biblioteka “Koço Racin”- Tetovë, përskaj zbehjes së dëshirës për të lexuar apo edhe të një krize të të lexuarit, vazhdon të numërojë me afro 6 mijë lexues aktivë dhe të radhitet ndër bibliotekat e para në RMV me numër më të madh lexuesish , numër ky që aspak nuk duhet të jetë i mjaftueshëm kur dihet që Tetova është qytet me shumë shkolla fillore, të mesme dhe i dy universiteteve.Faktorët që kanë ndikuar në “shkëputjen” thënë kushtimisht e lexuesit me librin janë të shumtë, por, mbi të gjitha, zhvillimi i teknologjisë, përdorimi i pajisjeve elektronike, mediave sociale kanë ndikuar ndjeshëm në reduktimin e kohës kur njerëzit i kushtojnë rëndësi leximit të librave.Megjithatë, teknologjia ka sjellë sfida dhe mundësi për lexuesit, akses më të madh në libra përmes platformave digjitale si e-book dhe audiobooks, duke e bërë leximin më të lehtë dhe më të arritshëm për të gjithë. Sigurisht që detyrë e çdo biblioteke është që të ndjek hapat e këtij përshpejtimi të zhvillimit teknologjik gjithmonë për të plotësuar kërkesta dhe nevojat e lexuesve të tyre.Në këtë drejtim, edhe Biblioteka e Tetovës përmes aktiviiteteve të shumta, projekteve të realizuara, projekte këto që përfshijnë të gjithë kategoritë e lexuesve duke filluar nga parashkollorët e deri tek lexuesit pensionistë, ndërmerr hapa konkret gjithmonë për të ruajtur dhe promovuar kulturën e leximit. Çerdhet janë destinacioni ynë i parë, aty ku fëmijët marrin shprehitë dhe mësimet e para. Edukimi nga fëmijëria është një proces mjaft i rëndësishëm pasi fëmijët duhet të mësohen që në moshë të hershme për të ndërtuar një lidhje të qëndrueshme me leximin. Klubet e librit me nxënësit e shkollave të mesme, me studentë por edhe me lexuesit e kategorive tjera, pastaj konkurset letrare e konkurset në lëminë e bibliotekarisë, promovimet, orët letrare dhe shumë aktiviitete të tjera, janë forma tjera përmes së cilave Instiucioni Nacional Biblioteka “Koço Racin”- Tetovë mundohet të tërheq dhe t’i mbajë më afër vetes dashamirët e librit dhe të nxisë interesin për leximin.Dita Botërore e Librit edhe një herë na kujton rëndësinë e të lexuarit duke na inkurajuar për të mbajtur gjallë dashurinë për librat në një kohë kur edhe pse teknologjia është bërë pjesë e pandashme e jetës sonë, leximi mbetet një dritare e hapur drejt dijes dhe imagjinatës.Titujt më të kërkuar për këtë vit:’’Trëndafila të humbur’’Martha Hall Kelly,’’Vajzat pa emër’’ Martha Hall Kelly,’’Ishulli i pemëve të zhdukura’’ Elif Shafak,

‘’Shërbëtorja’’ Freida McFadden,“Pengu im”, “Kockat e zemrës”, “9 Nëntori”- Coleen Hoover (autore rekord e kërkuar),’’Biblioteka e mesnatës’’- Matt Haig,’’Vëllavrasësit’’ Nikos Kazatzakis,’’Inteligjenca emocionale 2,0’’ Travis Bradberry,’’Çudia në mendjen time’’ Orhan Pamuk,‘’Gjëja e fundit që më tha ai’’ Laura Dave,’’Arti për t’u bërë i paharrueshëm’’ Dale Carnegie,‘’Twisted lojëra’’ Ana Huang’’.                                                                     Nga IP Biblioteka e qytetit „Vëllezërit Miladinov“- Shkup, Aleksandra Jurukovska,Departamenti për Popullarizimin e Fondeve të Librit thotë:‘’Biblioteka e qytetit “Vëllezërit Miladinov” – Shkup këtë vit shënon 80 vjetorin e themelimit të saj. Më 15 nëntor 1945, biblioteka filloi të funksionojë me një koleksion prej 3500 librash, 500 prej të cilëve për fëmijë.Institucioni ynë përfshin të gjitha bibliotekat në Shkup, gjegjësisht katër biblioteka kryesore dhe 13 klone bibliotekare më të vogla nëpër të gjitha vendbanimet dhe komunat.Biblobusi ynë gjithashtu udhëton në zonat rurale dhe vendbanimet në rajonin e Shkupit, duke vizituar 19 shkolla në të njëjtin numër fshatrash. Punon gjatë vitit shkollor dhe vetëm me botime lektyrash.Sot, fondi i bibliotekës është gjysmë milioni libra.Vitin 2024 e mbyllëm me 12.5769 libra të botuar dhe 11.686 karta të reja anëtarësie. Salla jonë e leximit në godinën qendrore, e cila është e vetmja e hapur 24/7, vitin e kaluar e kanë vizituar 63,046 përdorues/nxënës.Në mars 2025 kemi botuar 9090 libra dhe 636 karta anëtarësie.Që nga viti 2022, aktiviteti ynë kryesor programor ka qenë fushata “Lexojmë autorë bashkëkohorë maqedonas”, e cila përbëhet nga prezantimi i 8 autorëve dhe 8 veprave në një cikël 8 mujor (shtator – maj). Deri në maj të vitit 2025, në kuadër të fushatës do të prezantohen gjithsej 24 autorë bashkëkohorë maqedonas. Deri më tani, sipas hulumtimit tonë, autorët më të lexuar nga këta autorë janë:Aleksandar Rusjakov, „Хотел меѓу две војни“,Igor Stanojoski, „Диссомнии“,​Vladimir Ilievski, „Суво мастило“.и Venko Andonovski me  „Папокот на светлината“, Lidija  Dimkovska „Единствен матичен број“ и Dalibor Trajkov „Тајната на монахот“.Autorë të huaj: ” Лусинда Рајли „Скриена убавина“, „Ќерките на Лорд Вестерам“ nga Рис Бауен dhe „Жените“ nga  Кристин Хана‘’.

Hristina Aleksovska bibliotekiste në Bibliotekën “Tane Georgievski”-Kumanovë thotë: ‘’Biblioteka “Tane Georgievski”-Kumanovë, si pjesë e sistemit të vlerave universale, është në unitet të pathyeshëm në procesin kulturor dhe arsimor. Ajo lë gjurmë të pashlyeshme në fuqinë intelektuale të qytetit tonë duke promovuar fjalën e shkruar që në moshë të vogël te fëmijët, e cila do të krijojë një lexues të fortë në të ardhmen.Biblioteka gjithmonë përpiqet të ndjekë trendet botërore dhe të ofrojë më të mirën dhe më të kërkuarin për lexuesit e saj, duke tërhequr edhe më të rinjtë që do të bëhen lexuesit tanë të ardhshëm.Sa i përket numrit të anëtarëve aktivë, ndryshimi në numër është për faktin se në vitin aktual janë përfshirë edhe ata anëtarë që janë regjistruar vitin e kaluar dhe anëtarësimi i të cilëve është ende në vazhdim. Koleksioni i librave ishte në dispozicion të lexuesve. Faqja zyrtare në Facebook përmban informacione për të gjitha aktiviitetet e realizuara, ku shpallen tituj të rinj, promovime, punëtori, panele diskutimesh, ekspozita tematike, panaire librash, etj. Salla e leximit është vizituar dhe përdorur nga 1543 përdorues, në këtë numër përfshihen edhe përdoruesit që kanë kërkuar qasje për revista dhe periodikë.Numri i lexuesve aktivë është mbi 4.721.Titujt më të kërkuar janë: “Atlasi. Historia e Pa Salti” Lucinda Riley,’’Propozim i një zotërie’’ Julia Quinn,’’Shërbetorja’’ Freida McFadden,’’ Dashuri’’Ana Huang, Librat më të lexuar në rubrikën për fëmijë në gjuhën shqipe: ‘’Historia e Skënderbeut ‘’ Odhise K.Grillo,‘’ Lugjet e Verdha’’ Rexhep Hoxha,‘’Sarajet e bardha’’–Vehbi Kikaj,‘’Lahuta e Malsisë nga At Gjegi Fishta’’,– Odhise K.Grillo,‘’20,000 lega nën det,‘’ Zhyl Vern.Librat më të lexuar nga autorë maqedonas: ‘’Ти си мојот живот’’–Milijana  Pavllovska,’’ Траги од минатото’’Dalibor Trajkov, ‘’Трнливиот пат на една љубов ‘’Milijana  Pavllovska, ‘’Закопана вистина’’Dalibor, Trajkov,’’ Совршен допир’’ Ana  Antovska.Librat më të lexuar në rubrikën për fëmijë në gjuhën maqedonase:’’ Peter Pan ‘’ Barry, James Matthew, ‘’Pipi Çorapegjata’’Astrid Lindgren, ”Rrjeti i Klementinës” White, Alvin Brooks,’’Doktor Ofbolli’’Kornej Çukovski,’’Goce Dellçev’’Vanço Nikolleski.Librat më të lexuar në rubrikën për të rritur: “Krim dhe ndëshkim”Fjodor Dostoevski,’’Xha Gorio’’, Honore de Balzak, Legjendat panoniane, ‘’Autobiografia’’ Grigor Prliçev, Eugjen Onjegini’’ Aleksandër Sergejeviç Pushkin’’.                                                                                                                                                

Nga Stafi i Bibliotekës Qendrore “Cvetan Dimov” – Çair, Shkup thonë ‘’Edhe pse teknologjia ofron mundësi të shumta për përmirësimin e shërbimeve bibliotekare, ajo ka sjellë gjithashtu një sërë sfidash dhe ndikimesh negative në bibliotekat e qytetit të Shkupit. Modernizimi i pamjaftueshëm dhe mungesa e investimeve të qëndrueshme në infrastrukturën digjitale kanë bërë që shumë biblioteka të mbesin prapa në krahasim me standardet ndërkombëtare.Gjithashtu, kalimi i lexuesve drejt burimeve online dhe platformave digjitale ka çuar në uljen e vizitave fizike në biblioteka, duke e rrezikuar rolin tradicional të këtyre institucioneve si qendra komunitare.Kjo ka ndikuar edhe në uljen e interesit të publikut, veçanërisht të rinisë, për të frekuentuar bibliotekat.Në këtë mënyrë, ndikimi i teknologjisë, përkundër përparësive të saj potenciale, ka nxjerrë në pah një sërë problemesh që kërkojnë vëmendje të menjëhershme për të shmangur margjinalizimin e mëtejshëm të bibliotekave si institucione të dijes dhe kulturës në Shkup.Ne kuadër të nismave për nxitjen e leximit dhe zhvillimin kulturor të të rinjve, janë organizuar një sërë aktivitetesh edukative dhe krijuese me nxënësit në bibliotekat e qytetit të Shkupit. Këto aktiviitete kanë për qëllim të forcojnë lidhjen mes nxënësve dhe librit, të zhvillojnë aftësitë e tyre kritike dhe krijuese, si dhe të kultivojnë dashurinë për dijen dhe leximin.Gjatë aktiviteteve, nxënësit kanë marrë pjesë në orë leximi, diskutime rreth librave, punëtori shkrimi krijues, prezantime të autorëve vendas dhe ndërkombëtarë, si dhe vizita orientuese në bibliotekat publike. Këto iniciativa kanë pasur një ndikim pozitiv në zhvillimin personal dhe arsimor të nxënësve, duke i bërë bibliotekat jo vetëm qendra të informacionit, por edhe hapësira të gjalla të bashkëpunimit dhe krijimtarisë.Bibliotekat e qytetit të Shkupit mbeten të përkushtuara në misionin e tyre për të mbështetur edukimin dhe formimin e brezave të rinj përmes projekteve dhe aktivëiteteve që i sjellin më afër librit dhe kulturës. Sado që kemi mungesë për romane në gjuhën shqipe me aq sa kemi pasur mundësi për t’u furnizuar me titra të reja në gjuhën shqipe, librat më të kërkuar janë: Koleksioni i “Shtatë Motrave” nga Lucinda Riley,”Krenari dhe paragjykim” nga Xhejn Osten,”Fillon me ne”; “Mbaron me ne”; “Dashuri e shëmtuar”; “Pengu im” nga Colleen Hoover,”Më prano siç jam”; “Thjesht një histori dashurie”; “Sfidë deri në puthjen e fundit” nga Anna Premoli,”Tatuisti i Aushvicit” nga Heather Moris,”Tri bijat e Evës”; “Dyzet rregullat e dashurisë” nga Elif Shafak, “Muzeu i pafajësisë”; “Bora”; “Unë jam e kuqja” nga Orhan Pamuk,”Zemra e mirë sjell fund të lumtur” nga Hakan Mengüç,”21 Leksione për shekullin e 21″ nga Yuval Noah Harari,”Babai i pasur, Babi i varfër” nga Robert T. Kiyosaki,”Sekreti” nga Rhonda Byrne,”Arti për të fituar miq dhe pushtet” nga Dale Carnegie  Numri i lexuesve aktivëështë afro 1000.

Teuta Osmani Këshilltare bibliotekiste në Bibliotekën e Institucionit Nacional – Qendra për Kulturë “ASNOM” Gostivar thotë: ‘’Biblioteka  e Gostivarit çdo vit planifikon një aktivitet me nxënësit të shkollave mesme të qytetit të Gostivarit ose promovohet ndonjë libër i autorit vendas . Vitin e kaluar u promovua Libri i M-r Teuta Osmani i titulluar “Monografija e Bibliotekës së Gostivarit prej vitit 1949 -2023 .Tash të gjithë e dimë se teknologjia mbizotëron në gjithë botën ,leximi filloj të zbehet te të gjithë grupmoshat.Mirëpo ne si bibliotekë në çdo lloj mënyre bëjmë një nxitje për lexim te moshat më të reja ,përmes projekteve të ndryshme ose aktiviteteve ne bibliotekë që t’i afrojmë lexuesit.Në bibliotekën tonë interesim per lexim kanë më tepër nxënësit e shkollave fillore pastaj vijnë nxënësit e shkollave të mesme dhe qytetarët .Biblioteka e Gostivarit ka një fond të librave mjaft të pasur prej lektyrave shkollore ,beletristikë si dhe literaturë profesionale.Librat më të kërkuar janë: të autores botërore Danielle Steel:’’Natë e Heshtur’’,’’Muzika e Shpirtit’’,‘’Aksidenti’’, ‘’Dekorata’’ .Camilla Lackerberg ‘’Princesha prej Akulli’’, L.RON HUBBARD – ‘’Një këndvështrim i ri për jetën’’,’’Problemet e punës ‘’Bazat e mendimit’’,’’Vetë Analiza’’ . VIKTOR HYGO ‘’ Të mjerët’’, Angela Martini – ‘’Dashuri Shpresë’’,’’Dritë’’.Lucinda Riley –‘’ Motra e perlave’’ dhe ‘’Motra në hije’’, JIM MARRES – ‘’Kush e sundon botën ?’’ ,si dhe shumë shkrimtarë te tjere nga vendi.Biblioteka numëron me afro 1000 te reparti i fëmijëve dhe 800 në repartin e të rriturve lexues aktivë‘’.                                                              Barije Çupi bibliotekiste nëBibliotekën e Kërçovës ,,Koço Racin,, thotë:‘’Biblioteka e Kërçovës ,,Koço Racin ,,  është institucion që është brenda Pallatit të Kulturës , që punon në dy gjuhët , gjuhën shqipe dhe në gjuhën maqedone. Ne si bibliotekë kujdesemi për lexuesit tanë me shumë dashuri dhe për çdo vit mbajmë evidencë sa lexohet dhe cilat libra më së shumti lexohen në këtë bibliotekë.Kemi një fond të mjaftueshëm të librave dhe gjithmonë me bashkëpunim me lexuesit furnizohemi me libra qe më së shumti kërkohen.Nuk duhet të harrohet edhe ajo që me zhvillimin e teknologjisë leximi i librit është zbehur,duke u orientuar kah leximi online.Kemi mbi 1.000 anëtarë aktivë.Nga veprat që lexohen në bibliotekë këtë vit , veprat e Colleen Hoover – ‘’Kurrën e kurrës’’, ‘’Dashuri e shëmtuar’’, ‘’Pengu im’’ , ‘’Fillon me ne’’, ‘’Mbaron me ne’’, etj..Lucinda Riley- ‘’Dritë nga dritarja’’ , ‘’Dhoma e fluturave’’, “Atlasi. Historia e Pa Salti”,‘’Sekreti i Helenës’’ edhe vepra e Jay Shetty ,, Mendo si murg’’ dhe Robert T: Kiyosaki ,,Babai i pasur , babai i varfër’’.Nga autorët shqiptarë kemi Ismail Kadarenë , aty nuk kemi cilën vepër të dallojmë sepse të gjitha veprat janë të kërkuara. Poashtu poezia e Azem Shkrelit dhe poezia e Ali Podrimjes janë të kërkuara.’’ Biblioteka ofron edhe libra nga autorë maqedonas si: Verica Miteva;’’Ја мразам мајка ми’’, ‘’Нечесна игра’’,’’ Katerina Serafimovska;‘’Далечен брег’’, ‘’Ловец на спомени’’, Danica Fiçorska; ‘’Приказната за старата дама’’, Milijana Pavloska; ‘’Горчливиот вкус на успехот’’ и ‘’Ти си мојот живот’’.                                                             Ylber Nuredini drejtor i Qendrës për Kulturë- Dibër thotë:‘’Biblioteka e qytetit në Dibër për këtë vit ka pasur rritje të numrit të lexuesve nga vitet tjera,qytetarër janë interesuar falë rrjeteve sociale për titujt e ndryshëm.Titujt më të kërkuar për këtë vit sipas kategorisë janë këto:romancë dhe pasion,motivuese,psikologji,sagë dhe histori,mister dhe thriller,lektyra të ndryshme shqip,lektyra të ndryshme maqedonisht,tregime,udhërrëfyes praktik,dramë.Lexues aktivë janë afro 621 dhe anëtarësimet komplet janë 4210. Titujt më të kërkuar për këtë vit janë këto: Colleen Hoover ‘’ Fillon me ne’’, Colleen Hoover ‘’ Mbaron me ne’’, Freida Mcfadden ‘’Shërbetorja po vëzhgon’’, Markus Zusak ‘’Hajdutja e Librave’’, Lucinda Riley – ‘’Dritë nga Dritarja’’, Daniel Silva,’’Vajza Angleze’’,Blendi Fevziu ‘’Tirona e Nënës’’, Ana Huang ‘’Dashuri’’, Colleen Hoover ‘’ Veriti’’, Lucinda Riley – “Atlasi. Historia e Pa Salti”,Orhan Pamuk  ‘’Muzeu i pafajsisë’’,Daniel Goleman  ‘’Inteligjenca Emocionale’’,Paulo Coelho – ‘’Alikimisti‘’.                                                                                                                                  Melinda Zhaku,bibliotekiste në IN Qendra për Kulturë ,,Vëllezërit Milladinovci ” – Strugë thotë: ‘’Në ditët e sotme, teknologjia ka avancuar në përmasa të mëdha. Fusha e teknologjisë po gjenë zbatim në çdo fushë e sidomos në lexim dhe shfrytëzimin e kohës së lirë. Ky zhvillim po zëvendëson edhe shumë punë manuale. Fatkeqësisht sot shohim shumë fëmijë që kohën e tyre të lirë e harxhojnë duke luajtur lojra te ndryshme nëpër telefona dhe në vend të kësaj ata mund të lexonin ndonjë liber,mësonin dhe mund të bënin shumë aktiviitete sportive që do të ndihmonin dhe në shëndetin e tyre fizik dhe mendor.Një gjë tjetër e keqe që mund t’i bësh librit përveçse ta grisësh , është mos leximi i tij. Sot termi ,,libër,, mbetet një term i harruar nga të rinjtë. Po sa negative mbetet kjo për shoqërinë tonë? SHUMË , sepse Shqipëria dhe gjithë bota mbarë kanë nxjerrë shumë shkrimtarë të mëdhenj , shumë njerëz të cilët e donin leximin edhe sot për ata dhe për shoqërinë mbetet një plagë e rëndë. Bota është gjithnjë në lëvizje , ndryshim dhe kërkim për përsosje të vazhdueshme. Jetojmë në erën e teknologjisë dhe e dimë që e ardhmja i takon asaj. Njeriu synon përmirësimin e jetës së tij dhe kjo mund të arrihet vetëm nëpërmjet ndryshimit.Të shpresojmë që ndryshimi të mos anojë vetëm tek zhvillimi i teknologjisë por njerëzit t’i rikthehen leximit.Ja disa nga titujt më të kërkuar në Bibliotekën tonë:Literaturë për fëmijë në gjuhën shqipe:’’Kush e solli Doruntinën’’Ismail Kadare , ‘’Procesi’’Franz Kafka , ‘’Djali me pizhame me vija’’John Boyne ,’’Hajdi’’Jehona Shpirri , ’’Besa’’– Sami Frashëri,  etj Bestseler:Romanet e autorëve: Lucinda Riley ‘’Shtatë motrat’’,’’ Dhoma e fluturave’’,’’Dritë nga dritarja’’ etj.  Colleen Hoover – ‘’9 Nëntori’’,‘’Lejla’’,’’Veriti’’,‘’Mbaron me ne ‘’,’’Fillon me ne’’ etj  Literaturë për fëmijë në gjuhën maqedone : ‘’Споменка’’ , ‘’Перуновата стрела’’ , ‘’Робинсон Крузо’’ , ‘’Гоце Делчев’’ ,’’ Пајажината на Климентина ‘’. Bestseller – Сара Џио – ‘’Последната ’Камелија’’ , ‘’Сите цвеќиња во Парис’’ , ‘’Зима со Мирис на Капини’’ ,Тес Геритсен – ‘’Хирургот’’ ,’’ Чиракот’’ , ‘’Умри два пати’’ ,’’Последниот преживеан’’.Numri i lexuesve aktivë është 548 nga të cilët 235 janë lexues të kategorisë TË RRITUR  264 të kategorisë FËMIJË dhe 49 të  njësisë në fshatin Vevçan‘’.                                  Nga Biblioteka“Max van der Stoel”,UEJL,Silvete Osmani thotë: ‘’Rëndësia e leximit në epokën e teknologjisë është një temë shumë aktuale, që ka tërhequr vëmendjen e studiuesve, edukatorëve dhe prindërve, duke pasur parasysh ndikimin gjithnjë e në rritje të teknologjisë në jetën tonë. Megjithatë, edhe pse zhvillimi i teknologjisë ka sjellë sfida të ndryshme, leximi vazhdon të mbetet një mjet i jashtëzakonshëm për zhvillimin personal, intelektual dhe shoqëror. Disa aspekte kyçe të leximit në këtë periudhë janë: zhvillimi i aftësive të mendimit kritik, përmirësimi i komunikimit dhe shkrimit, si dhe pasurimi i imagjinatës dhe kreativitetit.Ndryshimi i mënyrës së leximit është i dukshëm për shkak të ndikimit të teknologjisë. Ky zhvillim ka sjellë mundësi të reja, duke lehtësuar aksesin në informacion dhe duke ofruar përfitime të shumta. Megjithatë, ka dhe sfida, pasi shpesh mund të ndikojë negativisht në përqendrimin dhe angazhimin ndaj leximit të thellë dhe të fokusuar.Si përfundim, edhe pse teknologjia ka ndryshuar mënyrat dhe kanalet e leximit, ajo nuk e zvogëlon rëndësinë e leximit për zhvillimin personal dhe profesional. Teknologjia mund të lehtësojë aksesin në informacion, por leximi vazhdon të mbetet një aktivëitet thelbësor për zhvillimin e aftësive mendore dhe intelektuale si edhe plotësimit shpirtëror.Prandaj, edhe ne si bibliotekë, vazhdojmë përpjekjet tona të vazhdueshme për t’u ofruar lexuesve tanë literaturën më të nevojshme dhe më të kërkuar.Çdo vit, ne bëjmë përpjekje maksimale për t’i sjellë sa më afër lexuesve dhe shfrytëzuesve të bibliotekës, librat që u duhen, duke përfshirë si literaturën studimore, ashtu edhe atë letrare, duke pasur parasysh kërkesat dhe interesat e ndryshme.Kjo literaturë përfshin tituj në gjuhën shqipe, por gjithashtu dhe në gjuhë të tjera, për të mundësuar akses më të gjerë për të gjithë përdoruesit.Në përgjithësi, titujt më të kërkuar vazhdojnë të jenë ato shkencorë, sidomos librat universitarë që janë thelbësorë për studentët dhe profesionistët, për gjatë vitit akademik. por gjithashtu vërehet një interes i madh edhe për libra të tjera me tematikë psikologjike, filozofike, si dhe ata motivues që ndihmojnë në zhvillimin personal dhe përmirësimin e aftësive jetësore.Ky interes i larmishëm është një dëshmi e pasurive të ndryshme intelektuale që lexuesit tanë kërkojnë, dhe ne si bibliotekë, angazhohemi të ofrojmë me përmbajtje të pasur dhe cilësore për të mbështetur çdo lloj nevoje të tyre‘’.

Në përfundim, hulumtimi mbi bibliotekat e qyteteve Kumanovë, Shkup, Tetovë, Gostivar, Kërçovë, Dibër dhe Strugë, në kuadër të Ditës Botërore të Librit, thekson rëndësinë jetike të leximit në epokën e teknologjisë.Pavarësisht sfidave që sjell digjitalizimi, libri mbetet një mjet i pazëvendësueshëm për zhvillimin personal, kulturor dhe shoqëror. Bibliotekat vazhdojnë të luajnë rol kyç në ruajtjen dhe promovimin e kulturës së leximit.

Në Ditën Ndërkombëtare të Librit, kryetari i Komunës së Gostivarit, Valbon Limani, ka ndarë një lajm të gëzueshëm për qytetin. Përmes një postimi në Facebook, ai ka bërë të ditur se pas renovimit të bibliotekës së qytetit, numri i lexuesve është trefishuar.

“Sot është Dita Ndërkombëtare e Librit dhe me këtë rast jam i lumtur që mësova se bibliotekës së Gostivarit i janë trefishuar lexuesit pas renovimit të saj. Gëzuar për miqtë e përhershëm të diturisë dhe kulturës!”, ka shkruar Limani.

Ky sukses vjen si rezultat i përkushtimit institucional për promovimin e leximit dhe zhvillimin e infrastrukturës kulturore në Gostivar. Renovimi i bibliotekës është pritur me entuziazëm nga qytetarët, ndërsa rritja e numrit të lexuesve dëshmon për ndikimin pozitiv të investimeve në kulturë dhe arsim.

Në Ditën Ndërkombëtare të Librit, kryetari i Komunës së Gostivarit, Valbon Limani, ka ndarë një lajm të gëzueshëm për qytetin. Përmes një postimi në Facebook, ai ka bërë të ditur se pas renovimit të bibliotekës së qytetit, numri i lexuesve është trefishuar.

“Sot është Dita Ndërkombëtare e Librit dhe me këtë rast jam i lumtur që mësova se bibliotekës së Gostivarit i janë trefishuar lexuesit pas renovimit të saj. Gëzuar për miqtë e përhershëm të diturisë dhe kulturës!”, ka shkruar Limani.

Ky sukses vjen si rezultat i përkushtimit institucional për promovimin e leximit dhe zhvillimin e infrastrukturës kulturore në Gostivar. Renovimi i bibliotekës është pritur me entuziazëm nga qytetarët, ndërsa rritja e numrit të lexuesve dëshmon për ndikimin pozitiv të investimeve në kulturë dhe arsim.