Lajme
Provimi i jurisprudencës në shqip para komisionit

Më 26 dhe 27 nëntor, në Shkup do të qëndrojë një delegacion i Komisionit të Venecias, i cili do të shqyrtojë ndryshimet e propozuara në Ligjin për Provimin e Jurisprudencës, me theks të veçantë te çështja e përdorimit të gjuhëve gjatë dhënies së provimit. Vizita dyditore është konfirmuar, ndërsa raportuesit do të mbledhin informacione dhe argumente nga institucionet, ekspertët dhe studentët, përpara përgatitjes së opinionit juridik.
Delegacioni përbëhet nga Janneke Gerards nga Holanda, Mārtiņš Mits nga Letonia, Andreas Paulus nga Gjermania dhe eksperti Mattia Zeba. Ata do të zhvillojnë takime me Ministrinë e Drejtësisë, përfshirë anëtarët e Komisionit për Provimin e Jurisprudencës, si dhe me përfaqësues të shumicës parlamentare dhe opozitës. Takimet me dy blloqet politike do të zhvillohen ndaras, duke u mundësuar të gjitha grupeve parlamentare të paraqesin qëndrimet e tyre.
Në agjendën e delegacionit janë edhe Gjykata Kushtetuese, Këshilli Gjyqësor, Akademia për Gjykatës dhe Prokurorë Publikë dhe Oda e Avokatëve. Raportuesit do të takojnë gjithashtu përfaqësues të Agjencisë për Zbatimin e Gjuhëve, Inspektoratit për Përdorimin e Gjuhës Zyrtare Maqedonase dhe Institutit të Gjuhës Maqedonase “Krste Misirkov”. Takime janë paraparë edhe me Avokatin e Popullit dhe Komisionin për Parandalimin dhe Mbrojtjen nga Diskriminimi.
Një pjesë e veçantë e vizitës u kushtohet universiteteve dhe studentëve të drejtësisë. Përfaqësuesit e Komisionit të Venecias do të takohen me dekanët dhe përfaqësuesit studentorë të pesë fakulteteve juridike, të Universitetit “Shën Kirili dhe Metodi” në Shkup, Universitetit të Tetovës, Universitetit të Evropës Juglindore, Universitetit Ndërkombëtar Vizion dhe Universitetit Ndërkombëtar Ballkanik. Studentët do të kenë mundësi t’i paraqesin drejtpërdrejt argumentet dhe shqetësimet e tyre lidhur me mënyrën e organizimit dhe gjuhën e provimit.
Vizita zhvillohet pas iniciativës së Ministrisë së Drejtësisë për ndryshime ligjore që synojnë të mundësojnë dhënien e pjesës teorike të provimit të jurisprudencës edhe në gjuhën shqipe. Propozimi ka hapur diskutime për të drejtat gjuhësore, trajtimin e barabartë të kandidatëve dhe ruajtjen e standardeve profesionale në sistemin e drejtësisë.
Gjatë qëndrimit në Shkup, delegacioni do të zhvillojë takime edhe me organizata të shoqërisë civile dhe organizata ndërkombëtare, me mbështetjen e Zyrës Programore të Këshillit të Evropës në Shkup.Pas përfundimit të vizitës dhe konsultimeve, Komisioni i Venecias do të vijojë procedurën për përgatitjen e opinionit mbi ndryshimet e propozuara ligjore./Alsat.mk
12:54
Zbulohet rrjeti proksi iranian në Maqedoni, planifikonte atentat në Greqi
11:26
Rrëzohet një aeroplan i ushtrisë serbe, vdes piloti
11:08
Filloi gjykimi për ish kryetaren e Tetovës, Teuta Arifi
11:04
Thaçi dënohet me 17 muaj burgim për pengim të drejtësisë
Të Gjitha Lajmet
Më të Lexuarat
01
Procesi gjyqësor ndaj ish-kryetares së Tetovës, Teuta Arifi: Besoj në integritetin e drejtësisë, jam plotësisht e pafajshme
02
Parashikimi i motit
03
Arrestohet 39 vjeçari nga Banjica e Poshtme, dërgonte mesazhe dhe video kërcënuese, i kërkonte para një burrit nga Gostivari
04
Bastisje në rrethinë të Gostivarit, gjendet drogë, tre persona privohen nga liria
05
Tragjedia në Rrugën e Arbërit! 42-vjeçarja nga Tetova mes dy viktimave të aksidentit, pesë të plagosur

Lajme
Procesi gjyqësor ndaj ish-kryetares së Tetovës, Teuta Arifi: Besoj në integritetin e drejtësisë, jam plotësisht e pafajshme

Lajme ditore
Zbulohet rrjeti proksi iranian në Maqedoni, planifikonte atentat në Greqi

Lajme
Rrëzohet një aeroplan i ushtrisë serbe, vdes piloti

Lajme
Filloi gjykimi për ish kryetaren e Tetovës, Teuta Arifi

Lajme
Thaçi dënohet me 17 muaj burgim për pengim të drejtësisë

Lajme
Festoi 28 Nëntorin me flamuj, Gjykata shpall fajtor 18-vjeçarin nga Kumanova

Lajme
35 vjet nga Kushtetuta e Maqedonisë: U miratua pa votat e deputetëve shqiptarë, të cilët kërkonin barazi kushtetuese







