Sa herë që eksponentët e VLEN-it dalin në konferenca për media dhe flasin për të ashtuquajtura arritje, në prapavijë po ndodhin skandale që thellojnë krizën e përfaqësimit dhe diskriminimit institucional ndaj shqiptarëve. Ndërsa VLEN paraqitet si shpëtimtare e shqiptarëve, realiteti në institucionet shtetërore është krejt tjetër: shqiptarët getoizohen, poshtërohen, anashkalohen dhe përjashtohen.

Pa u mbyllur ende fjalimet në konferenca, media publikon lajme për punësime me karakter të hapur etnik. Shembulli më i freskët është ai i Ministrisë së Energjetikës, Minierave dhe Burimeve Minerale, një ministri e re që që në fillesat e saj po ndërton një strukturë të pastër etnike, ku dominimi i një komuniteti është i dukshëm dhe i papranueshëm.

Sipas të dhënave zyrtare, kjo ministri ka lëshuar së fundmi 20 vendime të reja për punësime, prej të cilave 19 janë maqedonas dhe vetëm 1 shqiptar. Ky është një vazhdim i një trendi të rrezikshëm të konkurseve të njëanshme dhe punësimeve masive që anashkalojnë qytetarët shqiptarë. Nuk është hera e parë që kjo ndodh në këtë institucion. Më 9 korrik, Ministria e Energjetikës kishte punësuar 18 kuadro të reja dhe asnjëri prej tyre nuk ishte shqiptar. Zero shqiptarë në një valë të re punësimesh – kjo është formula e re e diskriminimit institucional që po aplikon qeveria e VMRO-DPMNE, tashmë me përkrahjen e heshtur dhe bashkëpunimin e vazalëve të VLEN-it.

Edhe për ato pak punësime simbolike që realizohen, kuadrot shqiptarë po përdoren si mjet propagandistik – ekzaltohen dhe detyrohen të ekspozohen nëpër fotografi dhe rrjete sociale, për të krijuar iluzionin e një suksesi që nuk ekziston. Kjo është një strategji e VLEN-it për të mbuluar dështimet flagrante në përfaqësimin real të shqiptarëve në institucionet shtetërore, duke u përpjekur të mashtrojë opinionin publik me raste të izoluara, ndërsa shumica vazhdojnë të përjashtohen.

Aleanca për Shqiptarët dënon këtë praktikë diskriminuese dhe të qëllimshme që synon deshqiptarizimin sistematik të institucioneve shtetërore. Shqiptarët nuk janë qytetarë të dorës së dytë dhe nuk do të pranojnë që përfaqësimi i tyre të jetë simbolik, për më tepër në një qeveri që premtoi barazi dhe drejtësi.

Kërkojmë reagim urgjent nga të gjitha institucionet përkatëse dhe apel për ndërprerjen e menjëhershme të politikave selektive në punësime. Nëse VLEN ka vendosur të heshtë dhe të kthejë shpinën interesave të shqiptarëve, Aleanca për Shqiptarët do të jetë zëri i çdo të riu të përjashtuar, i çdo profesionisti të anashkaluar dhe i çdo qytetari që ndjehet i poshtëruar nga kjo qeverisje e padrejtë.

Barazia nuk është favor, është e drejtë. Heshtja është bashkëfajësi.

Reagim nga Aleanca për Shqiptarët

Këtë pasdite është regjistruar tërmet në Maqedoni, me lartësi prej 1.5 ballë të shkallës së Rihterit.

Tërmeti ka qenë me epiqendër në Pehçevë, në thellësi prej 5 kilometra.

Nuk është denoncuar për dëme materiale apo lëndime në njerëz.

Nga Medai Shaholli

Presidentja e “državës Severna” Gordana Siljanovska, dje vizituar komunën e Tetovës sipas agjendës të parapërcaktuar apo te rastësishme, ku përmes incizimeve video të transmetuar nga TV21, shihet kur kryekomunari i Tetovës Bilal Kasami, i ekzaltuar nga kjo vizitë e Gordanës e përqafon Presidenten sikur ta kish patur nënë apo motër, teze apo mbesë, si forma të shprehjes së dashurisë dhe respektit familjar, gjë që në këtë rast nuk ka të bëjë me lidhje familjare, por me kreun e shtetit fakt i cili flet shumë.

“Afërsia” dhe përqafimet e rralla të kreut të komunës Bil Kasami me Presidenten e vendit, tregojnë qartë shenjat e servilizmit si njeriu i besuar i pushtetit, që nuk përfaqëson qytetarët e Tetovës të cilët janë me shumicë të parkatësise etnike shqiptare, por kukullën e pushtetit që i shërben atij pushteti, ku i është “betuar” se do të jetë lojal deri në fund.

Në këtë takim me Presidenten Gordana, e cila ka heshtur për fushatën antishqiptare të komitëve në qeverinë e koalicionit për çështjen e ndryshimeve kushtetuese dhe të gjuhës shqipe, ku shqipja jonë ngelet si 20% i turpit dhe i përdhosjes së identitetit kombëtar, si një vazhdim i rrugës nacionaliste të keyekomitit Micko ndaj shqiptarëve, Bili ynë i vockël për këto qëndrime nuk e “çanë trapin”, por përkundrazi, flet me superlativa për Presidenten Gordana si zonja e parë e vendit më e “dashur se nëna e tij”, ku ai mes tjerash u shpreh:
“Po ndajmë kënaqësitë dhe mirësitë e Tetovës me dashamirët tanë”!

Ky është Bili ynë i vockël por me sherrin e madh!