Me moton “Vetëm së bashku ndërtojmë të ardhmen që meritojmë”, Aleanca Kombëtare për Integrim (AKI) prezantuan sot logon e re të opozitës së bashkuar shqiptare në Maqedoninë e Veriut, duke shënuar fillimin zyrtar të fushatës për zgjedhjet lokale të tetorit.

Logon e re e ka publikuar në rrjetet sociale Kryetari i BDI-së, z. Ali Ahmeti, si simbol i unitetit, shpresës dhe orientimit të palëkundur drejt integrimit europian.

Ahmeti thekson se bashkimi i forcave politike shqiptare përmes AKI-së vjen në një moment kritik për shqiptarët në RMV, të cilët përballen me sfida të thella sociale, ekonomike dhe politike.

“Në kohë të vështira si këto, shqiptarët meritojnë zë të fuqishëm dhe përfaqësim me dinjitet. Qeveria aktuale ka humbur legjitimitetin etnik shqiptar dhe ka larguar vendin nga rruga europiane. Prandaj, është momenti për bashkim – për një të ardhme më të mirë, për fëmijët tanë dhe për një Maqedoni të Veriut që ecën drejt Evropës,” shkruan z. Ahmeti.

Logoja e re është simbol i një besëlidhjeje të re politike: për fitore, për besim dhe për integrim europian. Duart e bashkuara në logon zyrtare përçojnë mesazhin e qartë – vetëm përmes unitetit shqiptarët do të ndërtojnë të ardhmen që meritojnë.

Nga ky koalicon thonë se fushata e Aleancës Kombëtare për Integrim do të zhvillohet nën frymën e bashkëpunimit, përfshirjes dhe shpresës për ndryshim të vërtetë.

Zëvendëskryemisitri Arben Fetai në një tubim të VLEN-it në Kërçovë e vetshpalli veten kryetar të Aleancës për Shqiptarët. Ndaj kësaj me një reagimi ka dalë sekretari organizativ i ASH-së së Taravarit, Gadaf Uzairi i cili e ka quajtur Arben Fetain si një vegël të Mickoskit, duke e humbur çdo kuptim politik që pretendonte se kishte, duke i dërguar porosi se” Politika nuk është shpifje dhe lojë titujsh të rrejshëm”, shkruan Top24

Me keqardhje, por edhe me indinjatë, duhet të reagoj.

Në tubimin e VLEN-it në Kërçovë, Arben Fetahu u shpall “kryetar i Aleancës”. Realiteti është se ai nuk ka qenë kurrë faktor politik, as nuk ka pasur peshën që të arrijë aty ku ndodhet sot.
Unë personalisht e kam pasur afër dhe në rrethana të caktuara, pa dëshirën e shumicës së bashkëpartiakëve, e kemi ngritur më lart nga ç’meritonte. Sot ai është shndërruar në një vegël të Mickoskit, duke e humbur çdo kuptim politik që pretendonte se kishte.
Politika nuk është shpifje dhe lojë titujsh të rrejshëm.

Ish-politikani dhe mjeku i mirënjohur nga Struga, Artan Dika, ka reaguar ashpër ndaj vendimit të VLEN-it për të mbështetur kandidatë të cilët, sipas tij, kanë dosje të dokumentuar mashtrimi, shkruan Flaka Media

„Nuk është në nderin e VLEN-it të mbështes kandidat për kryetar komune me dosje të dokumentuar mashtrimi,“ – theksoi Dika.

Ai paralajmëroi se mbështetja e figurave të tilla jo vetëm që nuk sjell fitore në komuna, por përkundrazi, dëmton besueshmërinë e premtimeve politike.
„Duke mbështetur kandidat të tillë, as fitohet komunë e as bëhet ndryshim. Përkundrazi, krijohet bindja se premtimet për qeverisje të ndershme e drejtësi janë vetëm shpëlarje goje,“ – shtoi Dika.

Me këtë reagim, ai i bëri thirrje strukturave dhe qytetarëve që të mos bien pre e mashtrimeve politike, duke theksuar se ndryshimi i vërtetë nuk ndërtohet mbi figura të kompromentuara. Flaka Media