Connect with us

Lajme

Gjyqtarët dhe prokurorët e rinj të RMV-së kanë bllokuar në Akademi, reforma e kërkuar nga BE-ja do të ngelet edhe më tej pezull

Published

on

Gjenerata e nëntë e gjyqtarëve dhe prokurorëve të ardhshëm mbetet e bllokuar për shkak të ndërhyrjes së politikës dhe mungesës së fondeve, ndërkohë që zgjedhjet e vjeshtës po e pengojnë procesin për herë të dytë. Akademia është e paralizuar, pa studentë të rinj, me financa të ngrira dhe e pashpresë. Ministria e Financave heq përgjegjësinë duke ia kaluar barrën vetë institucioneve, ndërsa një e treta e vendeve për gjyqtarë janë bosh. Kjo krizë institucionale e trajnimit po e rrezikon seriozisht funksionimin e sistemit të drejtësisë dhe qasjes së qytetarëve në gjykim të drejtë. Zgjidhja e problemit me mungesën e stafit në prokurori dhe gjykata është gjithashtu një nga kërkesat kryesore të Bashkimit Evropian, i cili kërkon plotësimin e vendeve vakante me prokurorë dhe gjyqtarë të rinj, ndërkohë që Akademia mbetet e bllokuar dhe procesi i trajnimit i pezulluar, transmeton Portalb.mk.

Procesi i trajnimit për gjeneratën e nëntë të gjyqtarëve dhe prokurorëve të rinj mbetet i bllokuar që prej ciklit të kaluar zgjedhor, ndërsa tani për shkak të zgjedhjeve lokale që do të mbahen në tetor. Komisioni për Parandalimin e Korrupsionit, i ndjekur nga gjykatat administrative, vendosi pezullimin e provimit pranues, me arsyetimin se procedura përfundon me punësim, çka bie ndesh me rregullat zgjedhore. Kjo madje u përmend edhe në raportin e BE-së.

“Komisioni Shtetëror për Parandalimin e Korrupsionit (KSHPK) pranoi ankesat nga një kandidat presidencial dhe një avokat për të pezulluar testet e pranimit në Akademi gjatë periudhës zgjedhore. Gjykata Administrative fillimisht i kërkoi KSHPK-së të rivlerësonte, por Gjykata e Lartë Administrative në fund e mbështeti vendimin, duke pezulluar procesin e përzgjedhjes deri në formimin e qeverisë së re prej 30 anëtarësh, pasi u konsiderua si çështje punësimi. Këto veprime vonuan rekrutimin më të madh të Akademisë prej 130 kandidatësh që synonte adresimin e mungesës së gjyqtarëve dhe prokurorëve”, thuhet në raportin e BE-së.

Tani që vendi është futur sërish në periudhë zgjedhore, nuk pritet që procesi të rifillojë së shpejti. Si rezultat, Akademia vazhdon të jetë joaktive, me klasa bosh, procedura të ndërlikuara dhe buxhet të bllokuar, duke e penguar në mënyrë të drejtpërdrejtë përgatitjen e kuadrove të rinj në drejtësi.

“Gjenerata e fundit nuk është përfunduar ende dhe ky proces ka vazhduar prej dy vitesh. Kjo procedurë u ndërpre në zgjedhjet paraprake, por për fat të keq mund të konkludojmë se procedura ende nuk është përfunduar sepse nuk ka pëlqim nga Ministria e Financave për fonde buxhetore për gjeneratën e re dhe në të ardhmen e afërt nuk do të prisnim gjeneratë të re gjyqtarësh dhe prokurorësh publikë”, thotë Ivana Petkovska nga Koalicioni “Të gjithë për gjykim të drejtë”.

Njoftimi nga Ministria e Financave se Buxheti i Këshillit të Buxhetit Gjyqësor për vitin 2025 nuk parashikon burime financiare për punësimin e 130 praktikantëve në Akademi ishte arsyeja në maj që Bordi i Drejtorëve të vazhdonte status quo-në, gjegjësisht të mos merrte vendim për fatin e kësaj gjenerate.

Siç raporton Tellma, Ministria e Financave i është përgjigjur se ajo ka buxhetuar fonde, por se janë vendosur kufij brenda të cilëve vetë përdoruesi i buxhetit përcakton prioritetet dhe programet për zbatim. Me fjale tjera, Ministria e hodhi topin në Akademi.

“Ju informojmë se brenda Buxhetit janë ndarë fonde të buxhetuara, përkatësisht janë përcaktuar limite brenda të cilave vetë përdoruesi i buxhetit përcakton prioritetet dhe programet për zbatim. Me ribalancimin e Buxhetit për vitin 2025, janë siguruar fonde për Akademinë e Gjyqtarëve dhe Prokurorëve Publikë, dhe brenda këtyre fondeve, Akademia duhet të sigurojë fonde për zbatimin e programeve të saj”, thuhet në përgjigjen e Ministrisë së Financave.

Akademia, qëllimi kryesor i së cilës është trajnimi i gjyqtarëve dhe prokurorëve të rinj, ka qenë pa studentë që nga fundi i vitit të kaluar kur përfundoi gjenerata e tetë.

Sipas Koalicionit “Të gjithë për Gjykim të Drejtë”, i cili monitoron gjyqësorin dhe analizon boshllëkun e personelit, ata thonë se pasojat do t’i ndiejnë qytetarët me një gjyqësor dhe qasje joefikase në drejtësi.

Kjo Akademi has probleme strukturore me emërimin e drejtuesve dhe mungesë të transparencës, duke kontribuar në paralizë institucionale.

Një çështje tjetër që ndikon drejtpërdrejt në kapacitetet e Akademisë, është gjendja e pakët e studentëve shqiptarë. Portalb raportoi se në pesë vitet e fundit, vetëm 31 nga 157 studentët e Akademisë kanë qenë shqiptarë, ku gjithashtu i gjithë procesi zhvillohet në gjuhën maqedonase. Kjo tregon jo vetëm mungesë diversiteti në Akademi, por edhe barrierë sistematike për shqiptarët për t’u integruar në këtë segment kyç të sistemit të drejtësisë.

Ndërkohë që raportet nga Këshilli Gjyqësor konfirmojnë se qindra pozicione gjyqësore janë vakante, ose rreth një e treta e totalit, kjo situatë kritike thekson urgjencën e trajnimit dhe përgatitjes së stafit të ri .

BE-ja gjithashtu ka bërë kërkesa specifike për përmbushje të këtyre vendeve me persona të rinj, duke e vënë nën presion institucionetpër mobilizim më të madh.

“Efikasiteti i sistemit të drejtësisë duhet të përmirësohet. Sipas vlerësimit të Këshillit Gjyqësor, nevojiten 162 gjyqtarë të rinj (do të nevojiteshin gjithsej 434 gjyqtarë, ndërsa aktualisht janë emëruar vetëm 272; me 40 dalje në pension në 3 vitet e ardhshme). Ka vështirësi për të plotësuar vendet e lira në gjyqësor, për shembull, nga shtatë vende të lira për kryetarë të gjykatave themelore, disa u përsëritën, pasi asnjë kandidat nuk aplikoi ose nuk përmbushi kriteret e përshtatshmërisë”, thuhet në raportin e BE-së.

Kujtojmë se Maqedonia e Veriut ka rënë nën mesataren e BE-së për numrin e gjyqtarëve. Në vitin 2022 Maqedonia e Veriut kishte rreth 470 gjyqtarë apo 26 gjyqtarë për 100,000 banorë, që ishte numër më i lartë se sa kërkohet nga standardet evropiane, pra 21,5 për 100,000 banorë. Megjithatë, situata me gjyqtarët u identifikua si problematike për shkak të mungesës së gjyqtarëve të mjaftueshëm. Tani, tre vite më vonë ka ndryshime të mëdha, përkatësisht tani ka 368 gjyqtarë, 102 më pak se në vitin 2022. Sipas përllogaritjeve, vendi aktualisht ka 20 gjyqtar per 100.000 banorë.

Continue Reading

Lajme

Ja si duket hoteli “burg” i Koresë së Jugut, ku klientët paguajnë për të kaluar kohën e mbyllur në qeli

Published

on

By

Harrojeni hotelet luksoze dhe pushimet joshëse. Koreano-jugorët po i drejtohen gjithnjë e më shumë një burgu të rremë si një mënyrë për të përballuar stresin e jetës së përditshme.

“Prison Inside Me”, i lançuar në vitin 2013, ofron një përvojë burgu të jetës reale, me mysafirë që paguajnë për të kaluar 24 ose 48 orë të mbyllur në një qeli burgu. Kushtet janë kufizuese dhe pjesëmarrësit mbahen në heshtje të plotë. Ndërsa mund të mos tingëllojë si një pushim tipik, pikërisht për këtë bëhet fjalë.

Kultura shumë konkurruese midis studentëve dhe punonjësve në Korenë e Jugut është pjesërisht fajtore për shkallën e lartë të stresit, çrregullimeve të gjumit dhe vetëvrasjeve.

Bashkëpronari Noh Ji-hyang e hapi objektin për t’u ofruar njerëzve një mënyrë për t’u shkëputur plotësisht nga streset e jetës së përditshme, qoftë edhe vetëm për një ose dy ditë.

Foto

Continue Reading

Lajme

Dorëzohet Menduh Thaçi, PDSH nuk merr pjesë në zgjedhje lokale

Published

on

By

Kryetari i Partisë Demokratike Shqiptare, Menduh Thaçi pas përfundimit të mbledhjes së kuvendit të partisë ka shpalosur vendimin e kuvendit që PDSH të mos merr pjesë në zgjedhjet lokale as me kandidat për kryetar komune as me listë për këshilltarë.

Continue Reading

Lajme

Bujar Osmani paralajmëroi mekanizma për efikasitetin “Çair 48”

Published

on

By

Kandidati i Aleancës Kombëtare për Integrim për kryetar të Komunës së Çairit, Bujar Osmani, sot para ndërtesës së komunës doli me një pako mekanizmash konkretë për punën nëse zgjidhet kryetar i komunës. Propozimet janë: vendosja e një tabelë publike me plan javor dhe status të detyrave, projekti “Çair 48” për përgjigje/zgjidhje të parashtresave brenda 48 orëve, e marta si “ditë e hapur” pa caktim terminesh, ekip i shpejtë komunal dhe kalendar publik i takimeve dhe vendimeve të komunës.

“Kjo kornizë drejtpërdrejt e godet rrënjën e problemit që prej vitesh e ndjek komunën: joefikasitet, koordinim i dobët mes shërbimeve dhe mungesë e afateve të dukshme. Qytetarët rrallëherë dinë kush është përgjegjës për një problem konkret, kur do të zgjidhet dhe pse vonohet. Tabela publike, nëse vërtet përditësohet rregullisht dhe saktë, mund të sjellë ndryshimin më elementar, por vendimtar: dukshmëri të përditshme të punës. Futja e afatit prej 48 orësh për ndërhyrje ‘të vogla’ komunale (gropa, ndriçim rrugor, mbeturina, pika të pasigurta) është ndërmarrje ambicioze. Në praktikë, një standard i tillë kërkon disiplinë në pranimin dhe klasifikimin e parashtresave, ekipe të mjaftueshme në terren dhe rezerva në buxhet për riparime të shpejta. Është mirë të ndahen aktivitetet e komunës mes ‘të shpejta’ ose intervenuese dhe punë ‘kapitale’, dhe në këtë drejtim kjo është ide e mirë. Qytetarët më shpejt do ta kuptojnë çfarë realisht mund të kryhet për dy ditë, e çfarë kërkon projekt dhe tender”, ka thënë Osmani.

Në fjalim, Osmani paralajmëroi edhe brifinge të mëngjesit me shërbimet çdo ditë pune në ora 07:30, me publikimin e planit ditor. Ky ritëm koordinimi mund të “zgjidhë” shumë bllokada të vogla mes sektorëve me kusht që planet të mos mbesin vetëm në letër, por të ndiqen dhe të sjellin pasoja nëse vonohen.

“Ndryshe, përvoja në Çair tregon se problemet rrallëherë janë njëdimensionale. Përveç organizimit, ekzistojnë kufizime si buxheti, prokurimet publike, koordinimi me Qytetin e Shkupit dhe institucionet shtetërore, e madje edhe konteste të gjata ligjore rreth hapësirave publike. Prandaj, paralajmërimet e sotme tingëllojnë inkurajuese, por do të testohen që në javët e para me kërkesat ‘e vogla’, të përditshme të qytetarëve”, thonë nga BDI.

Continue Reading

TOP Lajme