Lajme

Limani krah zv.shefit të misionit të SHBA-ve Eric Meyer në tribunën e EUROTHINK

Published

2 years ago

October 25, 2023

Kryetari i Këshillit të komunës së Gostivarit, Valbon Limani krah zëvendës shefit të misionit të ShBA-ve në vendin tonë, Eric Meyer ne tribunen e EUROTHINK që sot është zhvilluar në Shkup.

Tribuna, siç njofton Limani ka ardhur me rastin e mbarimit të projektit “Me Këshillat Lokal për Preventivë drejt një bashkpunimi më të mirë”, ku ai ka përfaqësuar komunën e Gostivarit.

“I nderuar të jem panelist në shënimin e përfundimit të projektit “Me Këshillat Lokal për Preventivë drejt një bashkpunimi më të mirë”, ku isha në panel së bashku me zëvendës shefin e misionit të ShBA-ve në vendin tonë, ekselencen e tij Eric Mejer, përfaqësuesin e Eurothink – Qendra për Strategji Evropiane, me kryetarin e komunës së Strumicës z. Kostadin Kostadinov dhe zëvendë kryetarin e Kisella Vodës, z. Ivan Mirkovski, si tre komuna që kemi memorandum bashkëpunimi me Qendrën për Strategji Evropiane Eurothink”, shkruan Limani në rrjetet sociale.

Limani thotë se gjatë projktit “Me Këshillat Lokal për Preventivë drejt një bashkëpunimi më të mirë” Komuna e Gostivarit ka themeluar Këshillin për prevenim dhe Grupi operativ për mbrojtjen nga zjarret.

“Në konferencën perfundimtare të projektit “Me Këshillat Lokal për Preventivë drejt një bashkëpunimi më të mirë” ne fjalën time theksova se bashkëpunimi me Eurothink ka qenë i dobishëm për komunën dhe qytetarët tanë, pasiqë Komuna e Gostivarit tanimë ka themeluar Këshillin për prevenim i cili është funksional, si dhe është themeluar ekipi i parë tematik, respektivisht Grupi operativ për mbrojtjen nga zjarret. Poashtu, theksova se anketa e Eurothink në kuadër të projektit, na ka ndihmuar në detektimin e problemeve të caktuara në Komunën tonë”, thotë më tej Limani.

Ai shton se Komuna e Gostivarit do të vazhdon të përkrah dhe të të jetë pjesë e iniciativave të këtilla.

Lajme

Kasami me koalicionin “Mozheme” i siguroi LSDM-së një deputetë! Tash për të garuar sërish për Tetovën, çfarë do ti sigurojë VMRO-së?

Published

10 minutes ago

July 2, 2025

Admin01

Në vitin 2021, Bilall Kasami përpos që hyri në koalicionin “Mozheme” me LSDM-në, kësaj të fundit i fali edhe një mandat deputeti.

Kasami falë koalicionit parazgjedhor në vitin 2020 me Zoran Zaevin, fitoi katër mandate deputeti me Besën, ku bënte pjesë edhe ai vetë.

Por, në zgjedhjet lokale të vitit 2021 Kasami vendosi të garojë për kryetar komune në Tetovë. Mandatin e deputetit nuk e la derisa iu konfirmua fitorja atë vit në Tetovë, ku në këtë rast me votat e VMRO-DPMNE-së fitoi në Tetovë.

Pastaj, në nëntor të vitit 2021 në senscën e 51 të Kuvendit, siç shihet nga arkivat e parlamentit, ai e braktis mandatin e deputetit me çka LSDM fitoi një deputetë më shumë pasi në listën në Njësinë e Gjashtë Zgjedhore, pas Kasamit në koalicionin “Mozheme” vinte Dragolub Filiposki.

Kasami njihet për bashkëpunime kontroverse e të shpeshta me partitë maqedonase qoftë LSDM apo VMRO-DPMNE, bashkëpunime këto të cilat gjithmonë kanë rezultuar fatale për BESËN ose për Shqiptarët, ndërsa Kasami ka dalë fitues si karrierist politik që njihet. Ai, për të ruajtur pozitën e tij në parti, shkaktoi edhe përçarje në BESA me çka u krijua partia politike ALTERNATIVA.

Kasami shpesh është komentuar në publik edhe për paratë e dyshimta që siguronte ai për të financuar partinë që e drejton edhe sot e kësaj dite.

Në publik aktualisht flitet se çfarë interesi të tetovarëve ose të shqiptarëve do të shes që të garojë sërish për kryetar komune në Tetovë, dhe a do shitet te VMRO ose të LSDM. Megjithatë, Tetova e dy universiteteve tashmë nuk ia falë këto pazare Kasamit dhe në koaloare flitet se ai nuk do ta gëzon mbështetjen e tetovarëve.

Lajme

Uzairi dhe Ramadani nga ASH-ja priten nga ambasadori Meidani

Published

1 hour ago

July 2, 2025

Admin01

Sekretari organizativ i ASH-së, Gadaf Uzairi i shoqëruar nga shefja e shtabit zgjedhorë të FRASH-it Viola Ramadani sot kanë takuar ambasadorin e Republikës së Shqipërisë, Denion Meidani me të cilin diskutuan mbi çështje me rëndësi për shqiptarët në Maqedoninë e Veriut dhe bashkëpunimin ndërinstitucional, shkruan Top24

“Sot, bashkë me Shefen e Shtabit Qendror të FRASH-it, Viola Ramadani, patëm kënaqësinë të zhvillojmë një takim miqësor me Ambasadorin e Republikës së Shqipërisë në Shkup, z. Denion Meidani.
Në këtë takim, diskutuam mbi çështje me rëndësi për shqiptarët në Maqedoninë e Veriut dhe bashkëpunimin ndërinstitucional.
Mirënjohës për pritjen dhe bashkëbisedimin konstruktiv, Ambasador Meidani 🇦🇱“, ka nënvizuar Uzairi.

Lajme

Traumatologjia po “digjet”, rrezik për operacionet

Published

2 hours ago

July 2, 2025

Admin01

Në adresë të PortalitX ka ardhur një denoncim për mosfunksionimin e kondicionerit në Klinikën e Traumatologjisë në spitalin shtetëror “Nënë Tereza”.

Punonjësit që frikësohen nga hakmarrja e menaxhmentit, i thanë PortalitX që temperatura në sallat e operimit shënon 29.5 gradë celsius ndërsa maksimumi i lejuar për atë ambient operimi është 20. Për këtë na dërguan edhe një fotografi në të cilën qartë duket temperatura e theksuar si problematike.

Përveç rrezikut të infeksioneve gjatë operimit, poashtu edhe personeli mjekësor nuk mund të funksionojë në gjendje të temperaturës së lartë për shkak të mantelit, kapeleve si dhe dorëzave e maskës që detyrohen ti mbajnë për shkaqe higjienike të procedurës së operacionit.

Nga biseda me të punësuar të kësaj klinike kuptuam se ky problem zvarritet për vite me radhë, dhe aktualizohet në çdo sezonë vere, por përpos premtimeve, nuk kanë parë asgjë tjetër.