“Ziadin Sela distancohet nga BDI: A po kthehet në ASH?!”

Pas shpalljes së listës së zezë nga Departamenti i Shtetit Amerikan ku nga Maqedonia e Veriut, gjegjësisisht nga BDI, në listën e zezë është futur edhe ish-zëvendëskryeministri i parë, Artan Grubi ka reaguar deputeti i Frontit Evropian, Ziadin Sela.

Sela përmes postimit në faqen e tij distancohet nga Bashkimi Demokratik për Integrim.

Postimi i plotë i Selës:

“Aleanca për Shqiptarët në vazhdimësi ka qenë një prej aktorëve politik që ka dënuar dhe denoncuar publikisht lidhjet e gjyqësorit me politikën dhe oligarkinë andaj edhe sot përshëndesim vendimin e fundit të SHBA-ve, partnerit më të rëndësishëm strategjik të RMV dhe popullit shqiptar.

Lufta kundër korrupsionit shënon një hap të rëndsishëm në sendërtimin e shtetit të së drejtës dhe ardhmërisë sonë. Ftojmë të apostrofuarit, të tërhiqën nga jeta institucionale dhe politike, e si qytetarë të lirë të përballen me akuzat.
Përgjegjësia individuale është gurthemeli i një shteti modern, i paanshëm dhe demokratik.

Aleanca për Shqiptarët dhe unë si kryetar i saj, mbetemi një partner i besueshëm dhe besnik i SHBA-ve, duke ndarë vlerat e përbashkëta të demokracisë, lirisë dhe ndërtimit të shtetit të së drejtës.

Me respekt,
Ziadin Sela
Aleanca për Shqiptarët”, ka përfunduar Sela.