Ministri i Shëndetësisë i Republikës së Maqedonisë së Veriut, Arben Taravari, priti sot në një vizitë kurtuazie Ambasadorin e Republikës së Francës në RMV, Cyrille Baumgartner.
Në takim u konfirmua thellimi i raporteve tanimë të shkëlqyeshme bilaterale, vazhdimi i rrugës evropiane të vendit, rritja e investimeve franceze në vendin tonë dhe përmirësimi i mirëqenies së qytetarëve shkruan Taravari në faqen e tij zyrtare në facebook.
Postimi i plotë:
“Miqësia me Republikën e Francës vijon të forcohet dhe sferat e bashkëpunimit të zgjerohen.
Sot mirëprita Ambasadorin e Francës, Sh. T. Cyrille Baumgartner, në një vizitë kurtuazie. Në qendër të diskutimeve ishin thellimi i raporteve tanimë të shkëlqyeshme bilaterale, vazhdimi i rrugës evropiane të vendit, rritja e investimeve franceze në vendin tonë dhe përmirësimi i mirëqenies së qytetarëve.
Po ashtu, bashkëbiseduam rreth reformës në shëndetësi që e kemi filluar si qeveri e re dhe u pajtuam për rëndësinë e përmirësimit të shërbimeve dhe të sistemit tonë shëndetësor, si vend që synon të bëhet pjesë e familjes evropiane.
E sigurova ambasadorin Baumgartner se VLEN është garanci e fuqishme në ruajtjen e kursit euro-atlantik të vendit, në bashkërendim të ngushtë me partnerët tanë strategjikë dhe përkrahësit e zgjerimit të BE-së, ndër të cilët padyshim është edhe Franca.”, ka shkruar Taravari.