NP Komunalec promovon paisjet e reja / Do të përmirësohet cilësia e shërbimeve ndaj qytetarëve

Kontejnerë të rinj, kamion për bartjen e mbeturinave, kamionetë për larjen dhe pastrimin e rrugëve, paisje për punëtorët. Këto janë pjesë nga investimi i fundit i N.P Komunalec , nëpërmjet të cilave ndërmarrja synon të përmirsojë cilësin e shërbimeve ndaj qytetarëve. Drejtori i N.P Komunalec, Faton Bilalli, në një takim me gazetarë, prezantoi një pjesë të pajisjeve, të cilat tha se janë blerë në bashkëpunim me vetëqeverisjen lokale.

Aktualisht, rreth njëqind punonjës kujdesen për higjienën komunale dhe kontejnerët në të gjithë qytetin pastrohen tre herë në ditë. Për të siguruar një higjienë më të mirë, drejtori Bilalli apelon bashkëqytetarët që të mos hudhin mbeturina vend e pa vend , por të përdorin kontejnerët. Nëse qytetarët kanë për të hedhur mbeturina të forta, mobilje të vjetra apo gjësende nga teknika e bardhë, këtë mund ta bëjn vetë me një telefonatë në N.P Komunalec.