Është anuluar vendimi i ish ministrit të drejtësisë, Krenar Lloga që dëmtonte qytetarët e favorizonte noterët, gjegjësisht bëhej rritja e tarifave noteriale.
Njoftimin e dha dje pasardhësi i Llogës, ministri aktual i drejtësisë, Igor Filkov. Ky vendim ishte marrë nga Lloga dhe duhej të hynte në fuqi më 1 shtator. Me këtë vendim çmimet për shërbimet e noterëve do të rriteshin dhjetëfish.
“Kjo nuk do të ndodhë, ndaj do të tërheq ndryshimet për tarifën e re. Nuk funksionon kështu. Populli nuk duhet të paguajë diçka 10 herë më shumë, gjegjësisht nuk duhet të merren vendime pa një debat të gjerë, pa dëgjuar se çfarë mendojnë të gjithë të interesuarit për këtë”, theksoi ministri Filkov.
Vendimi është marrë pas zgjedhjeve, pra më 6 qershor, Qeveria teknike ka dhënë miratimin, e më pas është publikuar në Gazetën Zyrtare.
Sipas ministrit Filkov, askush nuk e ka informuar opinionin për vendimin dhe procesi i miratimit të tij ka qenë sekret.
“Duhet të ketë një analizë serioze të ndryshimit të çmimit mbi çdo bazë. Duhet të ketë nevojë të vendosur për një rritje serioze, siç e parashikoi ministri i kaluar, i cili për arsye të pakuptueshme shtyu një agjendë për rritjen e çmimit”, shtoi Filkov. Ministri paralajmëroi edhe debat për këtë çështje që të mos dëmtohen as qytetarët dhe as noterët.
Ky vendim që dëmtojnë rëndë buxhetin e qytetarit, dëshmon edhe një herë se qeveria e kaluar edhe në periudhën kur ajo kishte vetëm funksion teknik, nuk i ka menduar paspak qytetarër, por vetëm interesat e ngushta personale apo grupore, në këtë rast noterët.