Zaev fajëson ‘Detyrimet ndaj NATO-s’ për fiaskon me vaksinat

e postuar më at 11/03/2021
99 0

I turpëruar për programin e dështuar të vaksinave të Maqedonisë së Veriut, kryeministri Zoran Zaev ka fajësuar detyrimet strategjike Euro-Atlantike për paaftësinë e tij për të siguruar vaksina nga Kina dhe Rusia – një deklaratë të cilën nga NATO kanë refuzuar ta komentojnë.

Ditën e djeshme nga NATO refuzuan të komentojnë deklaratat e kryeministrit Zaev se detyrimet ndaj NATO-s kanë penguar blerjen në kohë të vaksinave për Covid-19, përcjell SmartNews.

“Ne nuk do të komentojmë vërejtjet që i emërohen Kryeministrit të Maqedonisë së Veriut”, zyrtar i NATO-s u përgjigj për BIRN të mërkuren, duke shtuar: “NATO nuk mer qëndrime për strategjitë kombëtare të vaksinimit. Ajo mbetet çështje kombëtare, sovrane”

Ky ishte reagimi nga NATO pas deklaratës së Zoran Zaev se detyrimet ndaj NATO-s e kanë penguar në blerjen e vaksinave kineze ose ruse në kohë, siç bëri Serbia.

“Ne jemi të ndryshëm nga Serbia sepse qytetarët tonë vendosën të jemi pro-NATO, kështuqë ne i marrim vendimet tona në pajtim me detyrimet tona strategjike dhe mbase Serbia, si shtet politikisht-ushtarakisht neutral, kishin mundësi të nënshkruajnë kontrata drejtpërdrejtë me shtete që nuk janë anëtarë të BE-së ose NATO-s, si për shembull Kina ose Rusia”, tha Zaev në një intervistë ditën e martë.

Zaev shtoi se kjo strategji ka ndryshuar meqë bota kuptoi mungesën e vaksinave. “Më pas u zhvillua strategji se kjo është një e drejtë sovrane dhe ne vepruam menjëherë duke bërë porosi nga Kina dhe Rusia”, shtoi Zaev.

nga kategoria