Z aev dhe Mickoski, në kërkim të zgjidhjes për regjistrimin e popullsisë

e postuar më at 12:33
98 0

Regjistrimi i popullsisë duhet të mbahet pavarësisht kërkesës së opozitës për shtyrjen për në shtator të këtij procesi statistikor, thonë nga Lidhja Social Demokrate në pushtet, e cila këtë qëndrim do të përsërisë edhe në takimin që kreu i kësaj partie dhe kryeministri i Maqedonisë së Veriut, Zoran Zaev, po zhvillon me liderin e opozitës, Hristijan Mickoski.

“Përfitimet e regjistrimit janë të mëdha, prandaj unifikimi është i nevojshëm e jo bojkoti i këtij procesi të rëndësishëm. Gjithkush që mendon mirë për shtetin dhe që dëshiron që ai të zhvillohet dhe të ecë përpara, duhet të japë kontributin dhe mbështetjen maksimale në këtë proces. Kjo është arsyeja pse ju bëj thirrje që t’i përgjigjeni masivisht regjistrimit, për të shfrytëzuar rastin për të kontribuar në përparimin e atdheut”, ka deklaruar deputeti i LSDM-së, Darko Kaevski.

Por, nga VMRO-DPMNE-ja në opozitë, thonë se regjistrimi është shndërruar në marrëveshje politike mes partnerëve të koalicionit, andaj edhe kryetari i saj, Hristijan Mickoski edhe në takimin me Zoran Zaevin insiston në shtyrjen për në vjeshtë të këtij procesi, atëherë kur sipas opozitës, do të plotësoheshin kushtet, si epidemiologjike ashtu edhe politike.

“Me insistimin për mbajtjen e regjistrimit Zoran Zaev dhe (ministri i Shëndetësisë) Venko Filipçe me vetëdije po i çojnë qytetarët drejt rrezikut për jetën. A është i vetëdijshëm Zaevi se 5.500 regjistrues duhet të futen nëpër secilën shtëpi në shtet. Pjesa dërmuese e tyre mund të jenë pa simptoma dhe t’i infektojnë qytetarët me sëmundje kronike, të cilët mund të kenë pasoja fatale. Regjistrimi duhet të shtyhet”, thuhet në një komunikatë të VMRO-DPMNE-së duke riafirmuar qëndrimin e partisë në takimin e liderëve.

J X

nga kategoria