Vazhdon trendi: Në Ministrinë e Mbrojtjes punësohen 25 maqedonas dhe vetëm 1 shqiptar

Pabarazia në institucionet shtetërore nuk ndalet. Rasti i fundit vjen nga Ministria e Mbrojtjes, ku nga 26 punësime të reja, 25 janë maqedonas dhe vetëm 1 është shqiptar.

Ky raport absurd tregon qartë se edhe në vitin 2025, praktikat diskriminuese ndaj shqiptarëve janë të gjalla dhe funksionale – madje të institucionalizuara.

Ndërkohë që përfaqësuesit shqiptarë në pushtet flasin për “barazi”, “përfaqësim të drejtë” dhe “reforma”, në terren vazhdohet me politikat e vjetra: shqiptarët mbahen jashtë zyrave të shtetit ose në pozita të dorës së dytë.

Asnjë reagim publik deri më tani nga ministrja e Mbrojtjes apo nga përfaqësuesit shqiptarë brenda Qeverisë. Heshtja e tyre veçse e forcon bindjen se ky diskriminim po ndodh me miratim të heshtur.

Ky është vetëm një nga shumë rastet që dëshmojnë se “reformimi i sistemit” është kthyer në parullë boshe, ndërsa shqiptarët vazhdojnë të trajtohen si qytetarë të dorës së dytë në vendin e tyre.