Njoftimi i autoriteteve për rritjen e pensioneve me 1,000 denarë në vjeshtë dhe po aq në pranverë nuk i përmbushi pritshmëritë e pensionistëve. Ata thonë pensionet nuk iu dalin as për gjërat më themelore, ndërsa çmimet po rriten dhe standardi i jetesës po fundoset.

Anketë
“1000 denarë? Asgjë. 1000 denarë asgjë. “

“Nuk jemi të kënaqur, çmimet e artikujve rriten vazhdimisht. Ata vetëm thonë se do ti ulin çmimet, por çmimet vetëm po rriten ”

“1000 denarë? Nuk jemi të kënaqur. Mbi 500 euro, të kalojmë disi. Ato duhet të zvogëlohen. Nuk mund të mbijetosh kështu. ”

“Rritja është e vogël. U desh të punohet më shumë për ngrirje të çmimeve. Tani isha në treg, gjithçka është më e shtrenjtë dhe nuk mora asgjë. Dua të them se gjërat dikur ishin më shumë nën kontroll, tani ka më pak kontrolle mbi çmimet dhe standardi po përkeqësohet. ”

Nga LSDM akuzojnë se pensionistët janë mashtruar rëndë nga VMRO-DPMNE, sepse nuk ka rritje të pensioneve prej 2,500 denarë, por paralajmërim për rritje të pensioneve prej vetëm 1,000 denarë

“DPMNE tha se pensionistëve me metodologjinë u është dhënë 5% të mjerueshme dhe kjo është më pak se 5%. Pensionistët mashtrohen rëndë – rritja e premtuar prej 2,500 denarë u shndërrua në simbolike 1,000 denarë. A duhet të trajtohet ekzistenca e bashkëqytetarëve tanë më të moshuar me një qëndrim kaq të poshtëruar? Sigurisht që jo. Përgjigja për pensionistët duhet të jepet nga VMRO-DPMNE – pse ata premtuan një gjë iu dha diçka poshtëruese, pra asgjë? “, tha Bogdanka Kuzeska – zëdhënëse e LSDM-së.

VMRO-DPMNE thotë se LSDM-ja duhet të ndalojë manipulimin, duke shtuar se kur bëhet fjalë për pensionistët, ata ishin të parët që i neglizhuan me pensione më të ulëta.

“LSD ka mashtruar çdo kategori qytetarësh në vend. Tani, përmes konferencave të tilla për shtyp, përsëri po përpiqet të manipulojë faktet. Kur bëhet fjalë për pensionistët, LSD neglizhoi ata me pensionet më të ulëta. VMRO-DPMNE rriti pensionet e pensionistëve me 5,000 denarë në mënyrë lineare dhe kjo vlen për të gjithë pensionistët, në një vit”, thonë nga VMRO-DPMNE.

Vitin e kaluar, përmes një rritjeje lineare të pensioneve, mbi 300,000 pensionistë morën një rritje prej 5,000 denarësh./Alsat.mk

Në një vit të plotë në detyrë, Kryetari i Komunës së Gostivarit, Valbon Limani, ka realizuar një numër të konsiderueshëm projektesh infrastrukturore që kanë pasur një ndikim të drejtpërdrejtë në përmirësimin e kushteve të jetesës për qytetarët e Gostivarit. Gjatë periudhës 12-mujore, janë realizuar gjithsej 30 projekte, përfshirë asfaltime rrugësh, ndërtim dhe rregullim shëtitorjesh, investime në arsim dhe energji të rinovueshme, si dhe përmirësime në infrastrukturën e kanalizimeve dhe mbrojtjen e mjedisit.

Investimet Kyçe:

Asfaltimi i rrugëve: Bulevardi “Goce Dellçev”, rruga “18 Nëntori”, rruga Nikolla Teslla, Beliçica dhe shumë rrugë të tjera, si dhe përfundimi i disa segmenteve të rrugëve kryesore në fshatrat e Gostivarit, kanë përmirësuar ndjeshëm lëvizjen e qytetarëve dhe transportin publik.

U vendosën pajisjet me panele fotovoltaike në shkolla. Dy shkolla, Gjimnazi i Gostivarit dhe Shkolla “Goce Dellçev”, janë pajisur me panele fotovoltaike, duke kontribuar në kursimin e energjisë dhe mbrojtjen e mjedisit.

Në drejtim të përmirësimin e infrastrukturës urbane u bë rregullimi i shëtitorjeve pranë Qendrës së qytetit dhe afër lumit Vardar, si dhe ndërtimi i terreneve sportive, që janë një hap i rëndësishëm në pasurimin e hapësirave publike dhe ofrimin e mundësive për aktivitet fizik dhe rekreacion.

Kryetari Limani ka ndjekur edhe një plan të gjerë për përmirësimin e sistemit të kanalizimeve, si në fshatin Banjicë të Epërme, ashtu edhe në rrugën Debresh-Zdunjë. Po ashtu, janë siguruar 340 mijë euro për të ulur ndotjen e ajrit në qytet.

Përveç këtyre, janë siguruar gjithashtu 49 projekte të tjera nga kredia hungareze, të cilat do të fillojnë realizimin pas pushimeve verore. Kryetari Limani ka paralajmëruar se punimet do të ndërpriten për një periudhë të shkurtër gjatë verës për të mundësuar lëvizjen e lirë të qytetarëve, veçanërisht gjatë periudhës së ardhjes së bashkatdhetarëve.

Kryetari Limani më herët është shprehet se këto investime janë të rëndësishme për zhvillimin e mëtejshëm të Komunës së Gostivarit, duke krijuar kushte më të mira për qytetarët dhe duke i dhënë një shtysë të fortë zhvillimit ekonomik dhe social të qytetit.

Duke vlerësuar suksesin e këtyre projekteve, Limani ka theksuar angazhimin e tij për të vazhduar me realizimin e projekteve të tjera infrastrukturore, duke e bërë Gostivarin një qytet më të zhvilluar dhe më tërheqës për jetesë. Ai ka garantuar se projekti do të vijojë të rritet në vitet në vijim, për t’u siguruar që çdo pjesë e qytetit dhe fshatrave të Komunës të ketë zhvillimin dhe përmirësimet e nevojshme.

Në vazhdim ua sjellim projektet dhe punë të tjera të realizuar për 12 muaj:

Terrene sportive për tenis,

U siguruan 340 mijë euro për uljen e ndotjes së ajrit,

U asfaltua Bulevardi “Goce Dellçev”,

U asfaltuar rruga “18 Nëntori” në afërsi të Stacionit të Policisë,

U finalizuar kanalizime në Banjicë të Epërme,

U përfunduar kanalizime në rrugën Debresh-Zdunjë,

U bë asfaltimi i rrugës Debresh-Zdunjë,

Një rrugë në pjesën qendrore të qytetit u shtrua me pllaka bekatoni,

U asfaltua rruga “Kej Vardar”,

U asfaltua një rrugë në Lagjen Maleardi,

U finalizua një pjesë e kanalizimet në fshatin Raven,

U asfaltua rruga kryesore në fshatin Zdunjë,

U asfaltua rruga në fshatin Balindoll,

U asfaltua rruga “13”,

U asfaltua rruga “Nikolla Teslla”,

Asfaltohet pjesa e dytë e rrugës “Nikolla Teslla”,

U vendos fasadë e jashtme e re në çerdhen “Lulishte”,

U asfaltua rruga “Mara Ugrinova”,

U asfaltua rruga e fushës në fshatin Forinë,

U realizua faza s parë e rregullimit dhe asfaltimi të bulevardit kryesor “Vllezërit Gjinoski”,

U asfaltua rruga “Beliçica”,

Shkolla e parë u bë me panele fotovoltaike- Gjimnazi i Gostivarit,

Shkolla e dytë e panele fotovoltaike-Goce Dellçev,

U rregullua dhe asfaltua mbikalimi i hekurudhës në lagjen Pitarnicë,

U sigurua kamion për grumbullimin e mbeturinave për N.P “Komunalec”

Shkon drejtë finalizimit shetitorja e re në afërsi të Qendrës së qytetit,

U asfalta segmenti i dytë i rrugës “Boris Kidriç”,

U hap aplikimi për ndihmë financiare prej 6000 denarë për çdo fëmijët të porsalindur,

U rregullua shëtitorja e re pranë lumit Vardar.

Në një postim që ngjan më shumë me një kartolinë meditimi sesa me një deklaratë zyrtare, Ministri i Shëndetësisë Azir Aliu u kujtoi qytetarëve rëndësinë e qetësisë shpirtërore në këto kohë të turbullta.

“Midis kaosit, ajo [natyra] na mëson qetësinë! Në rrëmujën e përditshme, ku gjithçka duket urgjente, natyra na kujton se shëndeti dhe qetësia nuk janë luks, por nevojë. Le të ndalemi, të marrim frymë – sepse kujdesi fillon nga vetja!”

Ndërkohë, qytetarët po ndalen – në pritje – në korridoret e spitaleve të tejmbushura, ku qetësia vjen vetëm pas orësh të tëra pa përgjigje mjekësore. Sa për natyrën, ajo mbetet alternativë më e sigurt se urgjencat publike.

Deklarata e ministrit vjen në një kohë kur mjekët protestojnë për kushte pune, pacientët ankohen për mungesë barnash, dhe sistemi shëndetësor ka nevojë për gjithçka – përveç citateve filozofike.

Mesa duket, ministria e Shëndetësisë po shkon drejt një modeli të ri: më pak aparatura, më shumë… frymëmarrje.