Kryetari i Aleancës për Shqiptarët, njëherit minister i shëndetsisë Arben Taravari, ka reaguar pas përurimit të pikës së përbashkët kufitare “One Stop Shop” mes Maqedonisë së Veriut dhe Kosovës, duke e cilësuar këtë si një moment me rëndësi të veçantë për rajonin.
“Një hap shumë domethënës, një ditë me të vërtetë e shkëlqyer,” ka shkruar Taravari, duke shpërndarë një video nga ceremonia ku morën pjesë kryeministri i Maqedonisë së Veriut Hristijan Mickoski, kryeministri i Kosovës Albin Kurti dhe zëvendëskryeministri i parë Izet Mexhiti.