Taravari: Jo lëshim të Qeverisë, por votim të ndryshimeve kushtetuese dhe shkojmë në zgjedhje

Kreu i Aleancës për Shqiptarë, Arben Taravari, thotë se në organet e partisë nuk e kanë diskutuar mundësinë e daljes nga qeveria. Ai vlerëson se një veprim i tillë nuk është i duhur.

Taravari në intervistë për KOSOVAPRESS thotë se është optimist që të gjitha partitë në parlament, duke përfshirë edhe VMRO-DPMNE-në, do t’i votojnë ndryshimet kushtuese dhe pas kësaj vendi të shkojë në zgjedhje të parakohshme.

Kohë më parë ministrat e Bashkimit Demokratik për Intergrim, dorëzuan dorëheqjet në qeveri, të cilat do të aktivizohen vetëm nëse VMRO-DPMNE voton ndryshimet kushtetuese.

Ndryshe, Kuvendi i Maqedonisë së Veriut do të fillojë debatin për ndryshimet kushtetuese më 18 gusht.