Sistemi shëndetësor në Maqedoni është i ndarë në tri nivele. E para është kujdesi shëndetësor parësor, i cili është relativisht i mirë dhe funksional. Megjithatë, mendoj se duhet t’u jepet pak më shumë autoritet mjekëve të amë në shëndetësinë parësore, por vazhdoj të mendoj se shëndetësia jonë publike është mjaft e centralizuar, theksoi Arben Taravari, kreu i Aleancës për Shqiptarët dhe ministri i ri i Shëndetësisë në një intervistë në “Top Tema” sonte në Telma.
“Rreth 70-80 për qind e shërbimeve shëndetësore në Maqedoni ofrohen në Shkup, që nuk është normale. Prandaj duhet të mendojmë për decentralizimin, për shpërndarjen. Me këtë dua të them që duhet punuar pak më shumë me shëndetësinë dytësore, para së gjithash, kam parasysh spitalet klinike. Të hapen katër spitale klinike rajonale. Njëri tashmë funksionon në Tetovë, por edhe atje duhet të punohet. Ndoshta disa nga mjekët nga Shkupi, për disa ditë në muaj, vullnetarisht ose me motivim financiar, duhet të jenë edhe në Tetovë. Qendra të tilla duhet të funksionojnë në Ohër dhe Strugë, në Shtip si dhe në Manastir. Do të ishin katër qendra rajonale që do të jepnin mundësinë e shkarkimit sa më të vogël të sistemit në Shkup”, thotë Taravari.