Takim Zaev Byrnes: SHBA shpreh mbështetje për luftën kundër korrupsionit

e postuar më at 10:25
67 0

Kryeministri i Maqedonisë së Veriut, Zoran Zaev, dje u takua me ambasadoren e Shteteve të Bashkuara të Amerikës në vendin tonë, Kate Byrnes.

Siç njoftojnë nga Qeveria, në takim u bisedua për Planin e miratuar qeveritar për luftën kundër korrupsionit.

“Në këtë drejtim, Kryeministri Zaev theksoi se Qeveria është tërësisht e përkushtuar në zbatimin e tij si proces i organizuar sistematik për përforcimin e kapaciteteve dhe për sinkronimizimin e aktiviteteve të institucioneve për luftën pa kompromis kundër korrupsionit, nepotizmit, konfliktit të interesave dhe keqpërdorimeve të pozicioneve, ndërsa ambasadorja i përshëndeti këto përpjekje”.

“Kryeministri Zaev dhe ambasadorja Bërnz, biseduan edhe për reformat e parashikuara me “Agjendën: Evropa në vend”, në të cilën, përveç hapave të përcaktuara për luftën kundër korrupsionit, janë përfshirë edhe masa për sigurimin e standardeve evropiane për reformat zgjedhore, për gjyqësorin, të drejtat themelore të njeriut, reformat në fushën mediatike, sundimin ekonomik, reformat në administratën publike, si dhe reformat në fushën e ambientit jetësor dhe ndryshimet klimatike”, thuhet në njoftimin e Qeverisë.

J X

nga kategoria