Sulmi i dhunshëm ndaj dy të miturve nga “Vojvodët”/ reagon Taravari: Dy të rinj shqiptarë u rrahën në Tetovë vetëm pse janë shqiptarë!

Kryetari i Aleancës për Shqiptarët, Arben Taravari, ka reaguar ashpër pas incidentit të ndodhur në Tetovë, ku dy të rinj shqiptarë u sulmuan fillimisht verbalish dhe më pas u dhunuan fizikisht nga agresorë, vetëm për shkak se janë shqiptarë.

“Ky është krim i pastër etnik. Përveç dënimit, kërkoj zgjidhje ligjore të menjëhershme dhe apeloj tek të gjitha institucionet ndërkombëtare që të tregojnë vëmendje për mbrojtjen e popullit tonë, i cili sot është i përndjekur dhe i pambrojtur në këtë shtet”, tha Taravari.

Ai shtoi se institucionet vendore duhet të reagojnë urgjentisht dhe të mos lejojnë përsëritjen e akteve të tilla diskriminuese.