Sonte të gjitha rrugët çojnë në Gostivar – Çfarë do të kumtojë Taravari në tubimin e Aleancës për Shqiptarët?

Sonte 26 Qershor, Aleanca për Shqiptarët, ka paralajmëruar një tubim madhështor në Qendrën për Kulturë në Gostivar, duke filluar nga ora 20:00. Me thirrjen simbolike “Mblidhemi në Gostivar!”, partia fton përkrahësit të bëhen pjesë e një ngjarjeje që synon të përcjellë jo vetëm energji, por edhe drejtim të qartë politik.

Kryetari i ASH-së, Arben Taravari, do të mbajë një fjalim që pritet me interes të madh, në një moment kur partia është duke rishkruar rolin e saj në arenën politike shqiptare. Burime nga brenda partisë bëjnë të ditur se Taravari do të paraqesë elemente kyçe të platformës së re politike, do të japë qëndrime për rreshtimet e mundshme politike dhe do të adresojë pritshmëritë e qytetarëve për një përfaqësim më dinjitoz.

Gostivari n’💜 – 26 Qershor, ora 20:00, Qendra për Kulturë. Aleanca po thërret!