Snopçe: LSDM pas nokautit zgjedhor ka gjetur strehë në nacionalizëm

Deputeti i Koalicionit VLEN, Halil Snopçe, sot gjatë Komisionit Parlamentar për punë dhe politikë sociale, rreth ligjit të Branitellave të propozuar nga LSDM, ka thënë se kur kjo parti pësoi “nokaut” në zgjedhjet e fundit parlamentare është kapur për çështje nacionale. Sipas tij, në vendet tona temat nacionale ngritin frikë dhe mund të ndikojnë në rritjen e rejtingut të partisë politike.

“Dua t’ju rikujtoj se koordinatori juaj Oliver Spasovski, në kohën e seancës së interpelancës ndaj koleges Ilire Dauti, ka dalë dhe ka thënë se në propozimin e partisë E Majta, bëhet fjalë vetëm për një tentim për përfitime politike në sferën e marrëdhënieve ndëretnike sepse ajo sferë është më e ndjeshme dhe për këtë, ai tha se si LSDM, e lëshojmë seancën dhe nuk do të marrim pjesë”, tha Snopçe.

Ai shtoi se kjo është hipokrizi e pastër dhe shtoi se e duartroket qëndrimit e koordinatorit të LSDM-së, pasi sinqerisht kishte të drejtë. Por që siç tha Snopçe, qëndrimet e tilla nuk janë serioze dhe se LSDM nuk kujdeset për marrëdhëniet ndëretnike në vendin tonë.