Shefja e Shtabit, Viola Ramadani dhe kryetari i FRASH – Çair, Hamza Nuhiu, përfaqësojnë rininë e ASH-së në Kuvendin e Parë Rinor në Veles

Shefja e Shtabit të Forumit Rinor të Aleancës për Shqiptarët (FRASH), Viola Ramadani së bashku me kryetarin e FRASH – Çair, Hamza Nuhiu si përfaqësues të rinisë së ASH-së morrën pjesë në trajnimin katërditor “Kuvendi i Parë Rinor”, i mbajtur në Veles të Maqedonisë së Veriut, të organizuar nga Bashkimi Europian dhe organizata LEAD – Leaders for Education, Activism and Development.

Trajnimi ishte i fokusuar në përgatitjet për zgjedhjet lokale të tetorit 2025, ku rinia pritet të ketë një rol të rëndësishëm.

“Pjesëmarrës në trajnimin katërditor “Kuvendi i Parë Rinor” në Veles, Maqedoni e Veriut, së bashku me kryetarin e FRASH – Çair, të dy si përfaqësues të Forumit Rinor të Aleancës për Shqiptarët.

Trajnim i organizuar nga Bashkimi Europian dhe LEAD- Leaders for Education, Activism and Development që është dedikuar zgjedhjeve lokale që na presin në tetor të vitit 2025.

Tetori është afër!
Tetori i RINISË💜”, ka përfunduar njoftimin Ramadani.