Revolta qytetare në Zhelinë: Pushteti pasurohet, qytetarët mezi mbijetojnë

Revolta qytetare në Komunën e Zhelinës po rritet çdo ditë dhe, sipas vlerësimeve, ajo pritet të shpërthejë më fuqishëm në ditën e votimit të zgjedhjeve të tetorit në Maqedoninë e Veriut shkruan Tetovasot. Kryetari aktual i komunës, Blerim Sejdiu, pas dy mandateve tashmë kërkon mandatin e tretë, megjithëse shumë nga premtimet e tij të mëdha kanë mbetur pa u realizuar.

Qytetarët shprehen hapur për pakënaqësinë e tyre dhe e përshkruajnë realitetin si dy botë paralele: njëra e pushtetarëve që pasurohen shpejt dhe tjetra e njerëzve të thjeshtë që mezi sigurojnë jetesën.

“Këta që janë në Komunë menjëherë u bënë të pasur – banesa, shtëpi, prona… gjithçka. Ndërsa qytetarët mezi ia dalin për bukën e gojës,” u shpreh një banor i Zhelinës.

Kjo pakënaqësi në rritje shihet si sinjal i qartë se dita e votimit do të jetë momenti i llogaridhënies për pushtetin aktual komunal.