Ramadani: Stoilkoviqin nuk e sollëm ne, por e gjetëm nga BDI

Blerant Ramadani nga ASH – krahu i Taravari – Koalicioni “VLEN” në emisionit “24 Analizë” në Tv 24 tha se qëndrimi i tyre për emërimin e Stoilkoviqit ministër është i qartë dhe si Vlen, nuk do të bëjnë kompromise për qëndrimet e tyre.

“Ne themi se nuk do të pranojmë qëndrime të tilla dhe nuk do të ketë asnjë kompromis në të ardhmen. Çdo përfaqësues i cilësdo parti politike që do të menaxhojë një institucion, roli i tij duhet të jetë në interes të qytetarëve, jo vetëm të një përkatësie etnike. Nuk është propozimi ynë, nëse bëjmë një paralele kur kemi pasur si përfaqësues Bekim Qokun që ka qenë këshilltar i Kurtit. Stoilkoviq ishte propozimi i partnerit të koalicionit. Pra nuk do të ketë kompromis për pikëpamje të tilla. Një nga postulatet kryesore do të jetë procesi i integrimit evropian. Nuk e sollëm Stoilkoviqin, por e gjetëm nga BDI, nuk e sollëm as në Open Balkan”, ka thënë Ramadani.

Ramadani i bëri këto komente duke iu përgjigjur Arta Bilalli – Zendelit nga BDI opozitare.