Pas zbulimit të dështimit 20-vjeçar, Mexhiti prezanton sërish projekt për parkun që nuk u ndërtua kurrë – A na pret një tjetër gënjeshtër?

Vetëm pak ditë pasi kundërkandidati i tij, Bujar Osmani nga Besëlidhja Aleanca Kombëtare për Integrim, i kujtoi dështimin 20-vjeçar për ndërtimin e një parku në Çair, Izet Mexhiti, kandidati i VLEN për kryetar të kësaj komune, u përgjigj me një postim në Facebook, duke prezantuar një tjetër projekt të madh për ndërtimin e një të ri dhe bashkëkohor në Çair, shkruan PressOnline.al.

Projekti i paraqitur nga Mexhiti, i mbushur me premtime për “hapësira moderne, ekologjike dhe funksionale”, vjen pikërisht pas ekspozimit publik të mungesës totale të përparimit në këtë drejtim gjatë dy dekadave të udhëheqjes së tij dhe bashkëpunëtorëve të tij.

Zotohet se parku do të realizohet “sapo të marrë detyrën kryesia e re e Qytetit të Shkupit”, duke hedhur kështu sërish fajin dhe përgjegjësinë te të tjerët – një strategji e njohur tashmë për qytetarët e Çairit.

A është ky vetëm një mashtrim i ri për të fituar vota? Apo ndoshta një përpjekje për të mbuluar një dështim të vjetër me një gënjeshtër të re?