Pandemia rriti çmimin e barnave dhe shërbimeve mjekësore në Maqedoni

e postuar më at 22:22
70 0

Gjatë pandemisë së coronavirusit janë shtrenjtuar barnat dhe shërbimet mjekësore në Maqedoninë e Veriut. Statistikat shtetërore shënojnë rritje të gati gjithë prodhimeve dhe shërbimeve lidhur me shëndetin e njerëzve.

Të dhënat për muajin shkurt të këtij viti, krahasuar me të njëjtin muaj të vitit paraprak, para fillimit të pandemisë tregojnë se prodhimet farmaceutike janë shtrenjtuar për 3.3%, ndërsa shërbimet mjekësore për 4.2. Ndryshim të çmimit nuk ka te shërbimet spitalore.

Nga Lidhja e Sindikatave të Maqedonisë të cilët përllogarisin shportën sindikale, thonë se shpenzimet vetëm për vitaminë për të infektuarit me virus kushtojnë rreth 100 euro.

Edhe shpenzimet e jetesës shënojnë rritje. Për një vit, ushqimi është shtrenjtuar për 2%, ndërsa kjo vërehet te buka, pemët, perimet dhe më së shumti te vajrat që janë shtrenjtuar për 14%.

Ndryshe, për një familje katëranëtarëshe, sipas përllogaritjeve, u nevojiten të paktën 33.700 denarë për t’ia dalë në fund të muajit.

nga kategoria