Ministri i Shëndetësisë, Azir Aliu bën fotosesione dhe poza, ndërsa mbeten pa punë 155 punonjës mjekësorë në Spitalin Klinik të Tetovës

Ndërkohë që 155 punonjës mjekësorë në Spitalin Klinik të Tetovës mbeten të papunë dhe të neglizhuar nga institucionet, Ministri i Shëndetësisë, Azir Aliu, vazhdon me fotosesione dhe paraqitje publike për imazh personal.

Këta punonjës, shumica prej tyre infermierë e staf ndihmës, janë ata që mbajtën barrën kryesore të pandemisë dhe punuan me përkushtim në kushte të vështira, por sot përballen me pasiguri dhe papunësi, pa asnjë mbështetje nga ministria.

Refuzimi për t’i punësuar vjen në kohën kur sektori shëndetësor në vend vuan mungesë të kuadrit profesional, ndërsa spitalet ballafaqohen me sfida të mëdha.

Përkundër kësaj situate alarmante, ministri Aliu duket më i përkushtuar në ndërtimin e një imazhi mediatik se sa në zgjidhjen e problemeve të thella strukturore që po përjeton sistemi shëndetësor.