Ministri i Mickoskit, Azir Aliu, u flet qytetarëve vetëm maqedonisht

Ministri i Shëndetësisë Azir Aliu, i cili në këtë pozitë besohet të ketë ardhur me aminin e Hristijan Mickoskit dhe të VMRO-DPMNE, qytetarëve u flet vetëm në gjuhën maqedonase.

Nëse i bëhet një vështrim ueb faqes zyrtare të Ministrisë së Shëndetësisë, aty shihet se shpesh mungojnë informacionet në dy gjuhë, gjegjësisht mungon gjuha shqipe. Rasti i fundit është njoftimi që e ka bërë vetë Aliu se nga muaj i ardhshëm do të takon çdo të premte qytetarët në Ministri, por njoftimi është vetëm në maqedonisht.

Kujtojmë se kryeminstri Mickoski kishte thënë se partnerët e koalicionit nga VLEN do ti shkarkojë nëse flasin veç shqip, por si duket kjo gjë Aliun e ka trembur më shumë dhe tashmë shqipen aspak nuk e përdorë në komunikim zyrtarë me qytetarët e këtij vendi ku shqiptarët përbëjnë rreth 30 përqind të popullatës.