Mexhiti: Miniera “Toranica” do të përballet me gjobë maksimale për kundërvajtje prej 180.000 deri në 200.000 euro

Zëvëndëskryeministri i parë dhe ministri i Mjedisit, Izet Mexhiti, ka njoftuar që Miniera “Toranica” do të përballet me gjobë maksimale për kundërvajtje prej 180.000 deri në 200.000 euro. Sepse, sipas tij vlerësimi inspektuesve ka qenë i tillë që kjo minierë ka rrezikuar mjedisin.

“Duhet respektuar Ligji. Kushdo që rrezikon mjedisin do të përballet me sanksione pa përjashtim. Kontrollet inspektuese do të vazhdojnë me ritme të intensifikuara dhe Ministria do të insistojë në transparencë dhe llogaridhënie të plotë. Ky është vetëm një nga hapat e shumtë që po ndërmarrim për të garantuar një mjedis të pastër dhe të sigurt për të gjithë qytetarët”, ka shkruar zëvëndëskryeministri dhe ministri i Mjedisit, Izet Mexhiti.