Lideri i Lëvizjes Demokratike, Izet Mexhiti pjesë e koalicionit opozitar shqiptar – VLEN ka reaguar ndaj liderit të BDI-së, Al Ahmeti.
Mexhiti ka shtruar disa pyetje dhe vlerëson se ishte pikërisht BDI-ja që ia hapi dyert Rusisë për të depërtuar në Maqedoninë e Veriut dhe se me largimin e saj nga pushteti, do të hiqet edhe ndikimi rus në vend.
Reagimi i Mexhitit në formë të integruar:
Sot dëgjuam lajmin e madh se në Maqedoni paska hyrë Rusia. Por, kush ia hapi portën?
Z. Ahmeti, ti hapim disa pyetje:
– Kush po lejon që paratë e pista ruse të shprlahen përmes kredive të shpejta në Maqedoninë e Veriut, duke qenë ministri i financave kuadër i BDI-së?
– Kush po lejon dhe inkurajon hapjen e kazinove me kapital sërbo-rus në Maqedoni, duke pas drejtorin e Llotararisë së Maqedonisë kuadër të BDI-së?
– Kush po lejon hyrjen e gasit dhe naftës ruse duke pasë resoret ekonomike kuadro të BDI-së?
– Kush po lejon funkcionimin e bankës ruse në Maqedoni duke pasë Parlamentin dhe institucionet udhëhequr nga BDI?
– Kush po lejon dhe inkurajon investime ruse në çdo sferë në Maqedoni duke pasë gjithë resoret ekonomike me kuadro të BDI-së?
– Kush lejoi që media të dyshimta pro-ruse të financohen nga fonde ruse, duke pasë struktura të BDI-së në çdo agjenci të zbulimit?
– Kush ftoi ministrin e jashtëm Llavrov në Shkup kur asnjë shtet perëndimor nuk e pranon, duke pasë ministrin e jashtëm kuadër të BDI-së?
Z. Ahmeti, a nuk është pak vonë të bëhen këto konstatime, kur ke pasë në dorë shumë mehanizma për të parandaluar që Ariu polar të hyjë kaq thellë?
Z. Ahmeti, ndikimi i Rusisë do të largohet atëherë kur të largohet elementi nostalgjik për Rusinë, sidomos brenda kampit politik shqiptar.