SI E KISHTE REFUZUAR LURAN AHMETI ROLIN E SNAJPERISTIT SERB

e postuar më at 26/03/2021
76 0

SI E KISHTE REFUZUAR LURAN AHMETI ROLIN E SNAJPERISTIT SERB: NUK SHKOVA, SEPSE SAPO KISHTE MBARUAR LUFTA NË KOSOVË

Aktori Luran Ahmeti ka vdekur sot në moshën 46 vjeçare pas betejës me koronavirus.

Ahmeti, njihet si aktor tejet i suksesshëm derisa mori në pjesë në shfaqje të ndryshme teatrale, seriale dhe filma.Por në një nga filmat ‘Behind enemy lines’, atij iu kërkua që  të luante snajperistin serb, gjë të cilën e refuzoi.

Aktori Luran Ahmeti tregon si nuk pranoi të shkonte në audicion për një rol në filmin “Behind enemy lines”.

Ai thotë se është i penduar por edhe krenar që nuk shkoi.

Bëhet fjalë për vitin 1999 ku po xhirohej ky film, Ahmeti atë kohë sapo kishte mbaruar Akademinë ndërkohë në Kosovë sapo kishte përfunduar lufta.

Pasi shkoi në audicionin e parë, u përzgjedh për një audicon tjetër për rolin e tretë në film, që do mbahej në Çeki, ku do i paguheshin rruga, meditjet, 400 dollarë dita dhe katër ditë kishte punë, për rolin e snajperistit serb.

Ishte kjo e fundit që e bëri të mos shkonte.

“Nuk do të thotë që do e kihsa fituar audicionin, por nuk shkova, sepse sapo kishte mbaruar lufta në Kosovë, sapo e kisha përfunduar akademinë dhe drejt me lujt çetnikun, dhe mu lidh diçka, thash të gjithë kanë me më mbajtë mend si serb. Mendova a më duhet kjo famë nëse më mbajnë mend populli im me atë rol, edhe refuzova me shku, duke besuar në ideale dhe gjithçka që ka qenë e gjallë që nga Rilindja Kombëtare deri në përfundim të luftës. Tash këto 20 vjet e fundit nuk jamë fortë i sigurt që kam marr vendim të mirë duke e parë se çfarë po ndodh”, thotë Ahmeti.

J X

nga kategoria