Kurti dekretohet për kryeministër, LDK paralajmëron dërgimin e çështjes në Kushtetuese

116 0

Deputeti i LDK-së Arben Gashi ka thënë se nuk e votojnë Qeverinë Kurti, pasi Albin Kurti është i dënuar dhe dënimi i tij akoma nuk ka kaluar.

Sipas tij, nuk mund të votojnë një qeveri kur ka dyshime për kushtetutshmërinë e dekretit të nxjerrë nga u.d. së Presidentit, pasi një qeveri është rrëzuar pikërisht sepse një deputet ka qenë i dënuar për vepër penale.

“Kemi dyshime të shumta lidhur me përmbajtjen e kërkesës dhe me legjitimitetin dhe kushtetutshmërinë e dekretit të nxjerrë nga u.d. së Presidentit sepse një person i cili është dekretuar të jetë kryeministër i vendit, ndërkohë që kemi një qeveri dhe një Kuvend që ka ra pse një deputet ka qenë i dënuar për vepër penale. Pra, personi i cili është dekretuar është person me precendent penal, i dënuar dhe dënimi i tij akoma nuk ka kaluar”, tha ai.

Ai foli edhe për votimin e kryetarit të Kuvendit të Kosovës, Glauk Konjufca, duke thënë se është raportuar në mënyrë të padrejtë se LDK nuk ka votuar kryetarin, por ka votuar nënkryetarin nga radhët e komunitetit serb.

“Është e pavërtetë, LDK nuk e ka votuar. Jo pse atyre nuk u takon, por mënyra sesi është prezantuar nga përfaqësuesi i Listës Serbe kandidati për nënkryetar të Kuvendit për ne e ka bërë të papërkrahshme. Pra, LDK nuk e ka përkrahur kandidatin për nënkryetar të Kuvendit nga radhët e Listës Serbe për mënyrën sesi ai i është prezantuar Kuvendit të Republikës të Kosovës”, tha ai.

Administrator

Ky lajmë është postuar nga ana e redaksionit SMART NEWS. - Administratori

nga kategoria

Ziadin Sela uron Vjosa Osmanin

Posted by - 04/04/2021 0
Kryetari i Aleancës për Shqiptarët, Ziadin Sela ka uruar Presidenten e Kosovës, Vjosa Osmanin. ” Kuvendi i Kosovës sapo zgjodhi Presidenten…