Kandidati për kryetar të komunës së Sarajit nga Aleanca Kombëtare për Integrim, Blerant Ramadani, i shoqëruar nga kryetari aktual Iljas Veseli dhe shefi i shtabit komunal Senehat Murtezani, ka zhvilluar një takim me banorët e fshatit Kondovë, vendlindja e tij.
Ramadani theksoi se mikpritja dhe mbështetja e banorëve të Kondovës i japin forcë për të vazhduar rrugën e tij politike. Ai shtoi se Aleanca Kombëtare për Integrim është zëri i dinjitetit dhe i bashkimit politik shqiptar, duke synuar barazi të plotë dhe zhvillim modern në Maqedoninë e Veriut.
“Sonte, bashkë me kryetarin Iljas Veseli dhe shefin e shtabit komunal Senehat Murtezani, takuam banorët e Kondovës, vendlindjes sime.
Aty më pritën njerëz që më njohin prej fëmijërisë, që e dinë karakterin tim, përkushtimin tim dhe rrugën time.
Faleminderit nga zemra për mikpritjen, besimin dhe mbështetjen tuaj! Ju jeni forca ime, dhe me ju, vizioni ynë do të bëhet realitet.
Aleanca Kombëtare për Integrim është zëri i dinjitetit dhe i bashkimit politik shqiptar, që punon për barazi të plotë dhe zhvillim modern në Maqedoninë e Veriut.
#aleancakombëtarepërintegrim #bashkë #19tetorireferendum”, ka përfunduar Ramadani.