Zëvëndësministrja e Mbrojtjes, Elfete Ismaili, ka marrë pjesë në organizimin për shënimin e pesë vjetorit të antëarësisë së Maqedonisë së Veriut në Aleancën më të forte shtarake në botë, NATO.
“Sot, së bashku me Ministrin e Mbrojtjes, Vllado Misajllovski dhe Kryeshefin e Shtatmadhorisë së Armatës, gjeneralmajor Sashko Lafçiski, pata nderin të marr pjesë në një aktivitet të veçantë me rastin e 5-vjetorit të anëtarësimit të vendit tonë në NATO. Në këtë ngjarje të rëndësishme, ishin të pranishëm gjithashtu kryetarja e shtetit dhe komandante supreme e Forcave të Armatosura, Gordana Siljanovska Davkova, kryeministri Hristijan Mickovski dhe komandant i Shtabit të Komandës Aleate në Napoli, admiral Stuart Munsch. Ky aktivitet u shoqërua me ndarjen e medaljeve për ushtarët dhe personelin ushtarak që kanë kontribuar me përkushtim dhe profesionalizëm në forcimin e sigurisë. Përveç ceremonisë, u zhvilluan ushtrime demonstrative, që pasqyruan gatishmërinë dhe nivelin e lartë të përgatitjes së Armatës sonë, duke theksuar edhe forcimin e bashkëpunimit të ngushtë me aleatët tanë në kuadër të NATO-s”, ka shkruar zëvëndësministrja Ismaili.
Ajo tutje këtë ditë e ka cilësuar si të rëndësishme për historinë e vendit.
“Poashtu, ky aktivitet shënoi një hap të rëndësishëm në rrugëtimin tonë si anëtarë të Aleancës, duke theksuar angazhimin tonë për paqe, siguri dhe stabilitet në rajon dhe më gjerë. Një ditë e rëndësishme për historinë e shtetit tonë dhe forcimin e marrëdhënieve ndërkombëtare”, ka përfunduar Ismaili