Halil Snopçe: Aleanca për Shqiptarët ishte motor i ligjit për përfaqësim të barabartë

Deputeti i Aleancës për Shqiptarët, Halil Snopçe, në një intervistë për TVM2 ka deklaruar se partia e tij ka pasur një rol thelbësor në hartimin dhe shtyrjen përpara të ligjit për përfaqësim të drejtë dhe të barabartë. Ai rikujtoi se, pas shfuqizimit të balancuesit nga Gjykata Kushtetuese, ishte pikërisht ASH-ja që përgatiti draft-ligjin fillestar, i cili më vonë u propozua nga koalicioni VLEN.

Sipas Snopçes, ASH-ja kërkoi gjithashtu formimin e një trupi koordinues me ekspertë, që do të kujdesej për përpunimin e draftit sipas nevojave reale të shqiptarëve. Deputeti shpjegoi se një nga arsyet për daljen e ASH-së nga qeveria ishte pikërisht mungesa e vullnetit politik nga VMRO-DPMNE për ta proceduar ligjin, duke e cilësuar si “taktizim të qëllimshëm” dërgimin e tij në Komisionin e Venedikut.