Të dashur qytetarë, e dashura rini Tetovare,
Mirë se erdhët në “Ekspozitën e dështimeve”!
Një ekspozitë ku nuk shfaqim piktura, por premtime të thyera. Nuk shfaqim skulptura, por
zhgënjime. Nuk shfaqim art, por mashtrime.
Le t’i shohim bashkë, një e nga një, “kryeveprat” e kryetarit në ikje:
1. Shkolla të reja në Malësi? – Asnjë tullë e vetme.
2. Tableta e projektorë për çdo klasë? – Ende shkruajmë me shkumës.
3. Ujë 24 orë në ditë? – Ende bëjmë piknikë me bidona.
4. Kanalizime e ujësjellës në çdo lagje? – Banorët ende në erë të keqe.
5. Riorganizim i ndërmarrjeve publike? – Po, vetëm si biznese partiake.
6. Transport publik urban? – Nga 5 autobusë publik, sot Tetova ka vetëm 3 funksionalë,
ndërsa 2 janë në “riparim të zgjatur teknik”.
7. Tetova si qendër kulturore? – Festivale jo, vetëm fjalime të mërzitshme.
8. Zonë ekonomike-industriale? – Investitorët ende kërkojnë rrugën.
9. Qendra për zhvillim rural? – Sot në fshatra edhe kafen nuk e pinë dot qytetarët pa
vonesa.
10. Stadium i ri i qytetit? – Premtim për arenë, realitet një tribunë më pak. Futbollin e
ndjekim në Shkup!
11. Qendra e qytetit me parkingje nëntokësore e nënkalime? – Jo vetëm që nuk ka, por
qendra sot duket si kantier i braktisur.
12. Parkingje me kate? – U premtuan 7 për 6 muaj, sot asnjë. Për më keq, edhe
parkingjet ekzistuese u shitën për ndërtesa.
13. Shkolla të reja në lagje të reja? – Nxënësit presin, por premtimi ka kaluar në pension.
14. Infrastrukturë rrugore? – Rrugët asfaltohen me asfalt që kushton 5 herë më
shtrenjtë se në qytetet tjera.
15. Pastrim e gjelbërim? – Vetëm fjalë, Tetova mbetet qyteti i mbeturinave.
16. Bashkëpunim me qeverinë? – Po, vetëm kur bëhet fjalë për pazare politike.
17. Parqe dhe hapësira publike për rekreim? – Edhe ato pak hapësira që ishin, u shitën
me çmimin e një makiatoje në kafenetë e mëhallave.
Dhe kështu, si përfundim: 0 realizime, 14 mashtrime, 2 biznese partiake.
Ky është bilanci i turpit i Bilall Kasamit!
Të dashur qytetarë, kjo “ekspozitë” nuk është vetëm rikujtim për mashtrimet, por edhe thirrje e
qartë. Mos i lini më premtimet të kthehen në dekor politik, e Tetovën në skenë të mashtrimeve.
Koha e dështimeve ka mbaruar, koha e tetovës të së ardhmes fillon me ne!
Ju falemnderit!