Pas Kupës pionerët e rinjë të Shkëndijës kanë siguruar edhe titullin e kampionit, duke konfirmuar dominimin në kategorinë e tyre.

Shkëndija U16 shpallet kampione e Maqedonisë së Veriut në gjeneratën U16 në Super Ligën vendit një xhiro para përfundimit të sezonit. Kuqezinjtë e rinjë sot në kuadër të xhiros së 21-të shënuan fitore 5:1 përballë Kull-Zdravje, duke siguruar edhe matematikisht titullin e kampionit. Takimi i zhvilluar në Tetovë nisi furishëm nga djemtë e drejtuar nga trajneri, Taxhedin Kasami, kur pas 9-të minutave lojë rezultati ishte 3:0 (shënuan Erand Ziba 5‘, Edis Bajrami 7‘, Albion Jashari 9‘). Në fund të pjesës së parë Gerti Arifi (40’) shënoi për 4:0, ndërsa në fillim të pjesës së dytë (46’) në skenë doli Hisar Ali që me çoi rezultatin në 5:0, para se Gazmend Lamallari të realizojë për ekipin mysafir (54‘) për rezultat përfundimtar 5:1.

Me këtë fitore Shkëndija U16 shkon në kuotën e 44 pikëve, 5 më shumë se Makedonija Gj.P. e vendit të dytë, duke krijuar diferencë të paarritshme kur ka mbetur edhe një xhiro deri në fund të sezonit.

Shkëndija U16 ka efekt prej 14 fitoreve, 2 barazimeve dhe 5 humbjeve në 21 xhiro të luajtura, ndërsa kemi sulmin më të mirë në ligë me 54 realizime, derisa janë pranuar 25 gola. Albion Muslii me 14 gola të shënuar është golashënuesi më i mirë i ekipit, ndërsa ndiqet nga Albion Jashari dhe Isa Caneski me nga 9 realizime.

Skuadra e drejtuar nga Taxhedin Kasami sezonin e mbyll të mërkurën (31.05.2023) kur në Kumanovë përballë Milanos do të pranojnë edhe trofeun për titullin e kampionit. Kujtojmë se kjo gjeneratë e Shkëndijës triumfoi edhe në garën e Kupës, kur mundi në finale me rezultat 3:2 Bregallnicën e Shtipit.

Open-TV sapo ka marrë vesh se ndeshja KF Gostivari-Llokomotiva Pehçevo është regjistruar me rezultatin e arritur në fundjavën e kaluar, pra 1-0. Kështu ka vendosur sot Komisioni Garues pranë FFM-së.

Gjithashtu edhe lojtari Gordijan Hristov ka dal i pastër me regjistrimin e klubeve.

Skuadrat e Vardarit dhe Llokomotivës ishin ankuar për këtë rast, por duket se ka qenë e kot, pasi Gostivari ka dalë i pastër në këtë rast.

Ky problem ishte ngritur për kinse paraqitjen e diskutueshme të lojtarit Gordian Hristovski në ndeshjen e xhiros së parë pranverore të LDFM kundër Lokomotivës së Pehçevës./Open-TV/

Samir Nasri ka folur për situatën e legjendës së Francës, Zinedine Zidane, teksa tha se ai mund të merr drejtimin e Marsielle.

Sipas ish-futbollistit francez, nëse Marseille do të investojë më shumë në skuadër, atyre do të mund t’i printe Zidane.

Sipas Nasrit, Zidane nuk e sheh veten si trajner në Angli “sepse ai mendon se energjia e tij nuk përputhet me atë që po ndodh atje”.
Megjithatë, Nasri në intervistën e tij për “Canal Football” tha se beson se “nëse ka një pronar klubi me një buxhet real dhe një projekt të mirë sportiv”, Zidane mund të konsiderojë të drejtojë skuadrën e tij të preferuar, Olympique de Marseille, pasi ai thotë se nuk do të kishte “asnjë presion atje”.

Nasri gjithashtu përmendi thashethemet që e kanë lidhur Zidanen me Paris Saint-Germainin. Sipas tij, 50-vjeçari nuk e shfrytëzoi rastin sepse “ai është një Marseillais i vërtetë”.

Kjo intervistë vije në të njëjtën ditë kur ish-shoku i skuadrës te Franca, Robert Pires, i tha “Canal+” se: “Ajo që Zidane donte ishte kombëtarja e Francës”.

Zidane vazhdon të jetë ende trajner i lirë, që nga vera e vitit 2021. Ai ishte trajner i “Los Blancos” në dy periudha të ndryshme, nga 2016 deri më 2018, si dhe nga 2019 deri më 2021.

Francezi gjatë qëndrimit të tij në Madrid fitoi tre tituj në Ligën e Kampionëve dhe dy tituj kampioni në La Liga.