Ambasadorja amerikane Angela Ageler në një intervistë eksluzive për emisionin 360 Shkallë ka vënë në dukje opinionin e saj dhe të ambasadës amerikane se koalicioni VLEN ka legjitimitet të jetë pjesë e Qeverisë dhe të përfaqësoj shqiptarët. Ageler gjithashtu deklaron se nuk ka asnjë detyrim ligjor që BDI të jetë pjesë e Qeverisë.
Ageler u përgjigj: “VMRO-DPMNE zgjodhi partnerin – “VLEN”, i cili gjithashtu është koalicion, si “Fronti Evropian” me në krye BDI. Për këtë kam pasur biseda me një sërë zyrtarësh të BDI-së dhe të tjerë dhe nuk ka asnjë detyrim ligjor se me kë VMRO do të bëj koalicion. Partia që fitoi zgjedhjet pati mundësi dhe zgjodhi të bënte koalicion me koalicionin VLEN. Është me rëndësi të madhe që diversiteti, grupet dhe komunitetet e ndryshme etnike t’i bëjnë dy vendet tona kaq të pasura dhe t’i sjellin ato në demokracinë tonë. Prandaj, jam e kënaqur që qeveria përbëhet nga grupe të ndryshme dhe nuk ka detyrim ligjor që BDI të përfshihet në qeveri. E di që ka çështje të drejtë kundrejt legjitimitetit, por fakti është se VMRO-DPMNE zgjodhi partnerë nga komunitete të ndryshme në shtet dhe kjo është e drejtë e tyre. Ata zgjodhën ta bëjnë këtë dhe ne do të shohim se si do të funksionojë ky partneritet”.